सरकारी छाप दस्तखत किर्तेमा संलग्न पाँच जना पक्राउ

मोरङ । सरकारी छाप दस्तखत किर्ते सम्बन्धी कसूरमा संलग्न पाँच जना पक्राउ परेका छन् । उनीहरु आज(शनिबार) पक्राउ परेका हुन् ।

पक्राउ पर्नेहरूमा रतुवामाई नगरपालिका–४ बस्ने ६५ वर्षीय चेतनलाल राजवंशी, ६२ वर्षीया झरिया देवी राजवंशी, ६३ वर्षीय विष्णु राजवंशी, ६३ वर्षीय पैखन लाल राजवंशी र ६४ वर्षीय कन्हारु लाल केवरत रहेका छन् ।

सरकारी छाप दस्तखत किर्ते सम्बन्धी कसूर मुद्दाको अनुसन्धानको सिलसिलामा गत कात्तिक २ गतेदेखि फरार रहेका उनीहरूलाई आ–आफ्नै घर ठेगानाबाट प्रहरीले पक्राउ गरेको हो । उनीहरूलाई मोरङ जिल्ला अदालतमा बुझाउने कार्य भइरहेको प्रहरीले जनाएको छ ।