नेपाली निर्माण व्यवसायीहरूलाई इफाप्काको अवार्ड

काठमाडौं । एसियाली तथा पश्चिम प्रशान्त क्षेत्रका निर्माण व्यवसायीहरूको छाता संगठन इफाप्काले वितरण गर्ने महत्वपूर्ण अवार्डहरू नेपाली निर्माण व्यवसायीहरूले जितेका छन् । नेपालको निर्माण उद्योगमा विशिष्ट योगदान दिएका कारण इफाप्काको ४६ औं सम्मेलनका क्रममा नेपाली निर्माण व्यवसायीहरूलाई अवार्ड प्रदान गरिएको हो ।

यसअन्तर्गत दुई हजार अमेरिकी डलर राशीको ह्यो तियोङले अवार्ड इफाप्का तथा नेपाल निर्माण व्यवसायी महासंघका पूर्वअध्यक्ष गणेशलाल श्रेष्ठलाई प्रदान गरिएको छ । तीन हजार अमेरिकी डलर राशिको अत्सुमी अवार्ड दामासाहीरूपले जनही एक हजार पाँच सय अमेरिकी डलरका दरले महासंघका मानार्थ सदस्य समेत रहेका पूर्वअध्यक्ष जीपछिरिङ लामा शेर्पा र महासंघका सल्लाहकार एवम् पूर्वअध्यक्ष यक्षध्वज कार्कीलाई संयुक्तरूपमा प्रदान गरिएको छ । त्यस्तै, एक हजार अमेरिकी डलर राशिको इफाप्का चोइ कन्स्ट्रक्सन फिल्ड अवार्ड पीएस कन्स्ट्रक्सन प्रालिका साइट इन्चार्ज प्रेमबहादुर थापालाई प्रदान गरिएको छ । यी अवार्डहरू इफाप्का अध्यक्ष रवि सिंह र महासचिव वीरेन्द्रराज पाण्डेले प्रदान गरेका हुन् ।