टाटा मोटर्सको म्याक्सचेन्ज मेला

काठमाडौं । नेपालका लागि टाटा मोटर्सको एकमात्र अधिकारिक वितरक, सिप्रदी ट्रेडिङ प्रालिले म्याक्सचेन्ज मेला कार्यक्रम आयोजना गर्न लागेको छ । यस मेलामा जुनसुकै ब्राण्डका पुराना गाडीहरूसँग टाटाको नेपालमा सर्वाधिक रूचाइएको टाटा नेक्सन म्याक्स साट्न सकिनेछ ।

कम्पनीका अनुसार ग्राहकहरूको परिवर्तित जीवनशैली र अत्याधुनिक सवारीप्रतिको रूचि तथा चाहनाहरूलाई मध्यनजर गर्दै यस मेलाको आयोजना गरिएको हो । मेला शुक्रबारदेखि आइतबारसम्म टाटा मोटर्सको सोरुम थापाथली र सल्लाघारी भक्तपुरमा आयोजना गर्न लागिएको कम्पनीले जनाएको छ । म्याक्सचेञ्ज मेलामा निःशुल्करूपमा ईभी गाडीहरूका लागि फास्ट चार्जर, एक वर्षको अटोप्लस इन्स्योरेन्स, एक वर्षको सवारी कर, एक्सेसरिज तथा एक्सचेन्ज बोनस प्राप्त गर्न सकिनेछ । साथै, प्रत्येक टेस्ट ड्राइभमा गिफ्ट ह्याम्पर, हरेक दिन लक्की ड्रमार्फत स्मार्ट वाच र बम्पर उपहारमा आईफोन १५ लगायतका आकर्षक उपहारहरू रहेका छन् ।

यस म्याक्सचेञ्ज मेलाको अवसरमा ग्राहक महानुभावहरूले टाटा मोटर्सको नयाँ तथा अत्याधुनिक डिजाइनका उत्पादनहरू अवलोकन तथा टेस्ट ड्राइभ गर्न सकिनेछ । साथै, यस कार्यक्रममा सहभागी भई नयाँ गाडी खरिद गरेर भरपुर फाइदा उठाउन पनि कम्पनीले अनुरोध गरेको छ ।