आगलागीबाट २७ लाख बराबरको धनमाल नष्ट

काठमाडौं । आगलागीबाट छुट्टाछुट्टै स्थानमा २७ लाख बराबराको धनमाल नष्ट भएको छ । ईलाममा १७ लाख र सुनसरीमा १० लाख रूपैयाँ गरी २७ लाख रूपैयाँ बराबरको धनमाल जलेर नष्ट भएको हो ।

ईलामस्थित सूर्योदय नगरपालिका–१० आले बस्ने कमला सुब्बाको घरमा रहेको किराना पसलमा विद्युत सर्ट भई सोमबार दिउँसो आगलागी हुँदा घर, पसलको सामान, भाडावर्तन, लत्ताकपडा र नगद समेत गरी करिब १७ लाख रूपैयाँ बराबरको धनमाल जलेर नष्ट भएको छ ।

सुनसरीस्थित ईटहरी उपमहानगरपालिका–६ हटिया लाईनस्थित भारत जोगवनी घर भएको महमत सोनु अन्सारीको कपडा पसलमा विद्युत सर्ट भई गएराति आगलागी हुँदा पसलमा रहेको सम्पूर्ण कपडा जलेर करिब १० लाख रूपैयाँ बराबरको धनमाल नष्ट भएको छ ।

प्रहरीले स्थानीय वासिन्दा र दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको जनाएको छ ।