सीताराम मिल्क्सद्वारा उपहार योजनाको विजेता घोषणा

काठमाडौं । डेरी ब्राण्ड सीताराम गोकुल मिल्क्स प्रालिले चाडपर्वको अवसरमा ल्याएको उपहार योजनाको विजेताहरूको नाम घोषणा गरेको छ । कम्पनीले दशैं, तिहार र छठ पर्वको अवसरमा ‘यसपालि सीतारामले ल्यायो स्वाद र स्वास्थ्यको साथ बम्पर उपहार’ योजना ल्याएको थियो । कम्पनीले सोमबार सीतारामको आधिकारिक फेसबुक पेजमा प्रत्यक्ष प्रसारण समेत गरेर सो योजनाका विजेताहरू घोषणा गरेको हो ।

‘लक्की ड्र’मार्फत विजेताले प्रथम पुरस्कारस्वरूप हिसेन्स मल्टी डोर फ्रिज प्राप्त गरेका छन् । साथै, सोही ‘लक्की ड्र’मार्फत् दोस्रो र तेस्रो पुरस्कारका विजेताहरू पनि घोषित भएका छन् । दोस्रो पुरस्कारका रूपमा हिसेन्सकै ५० इन्चको टिभी रहेको छ भने तेस्रो पुरस्कारमा वासिङ मेसिन रहेको छ ।

यसका साथै २० जनाले सान्त्वना उपहारका रूपमा इन्डक्सन, हिटर÷वाटर हट पट प्राप्त गरेका छन् । विजेताहरूको सम्पूर्ण विवरण सिताराम दूधको आधिकारिक फेसबुक पेजमा हेर्न सकिने बताइएको छ । उक्त कार्यक्रमको सञ्चालन चर्चित हास्य कलाकार जितु नेपाल ‘मुन्द्रे’ले गरेका थिए । उपहार योजनाअन्तर्गत सीतारामका दूधजन्य उत्पादन खरिद गर्दा ग्राहकले एउटा कुपन पाएका थिए । यही कुपनको आधारमा विजेता घोषणा भएका हुन् ।