फोटोन हाई रुफ ईभी भ्यान नेपालमा

काठमाडौं । फोटोनको नेपालका लागि आधिकारिक बिक्रेता एमएडब्लु वृद्धि कमर्सियल भेहिकल प्रालिले नेपालमा विश्वको सबैभन्दा धेरै ब्याट्री उत्पादन गर्ने ब्रान्ड क्याटलको ब्याट्री जडित दुईवटा भ्यानहरू सार्वजनिक गर्ने भएको छ ।

कम्पनीले फोटोन हाई रुफ १४ र १५ सिटर ईभी भ्यान सार्वजनिक गर्न लागेको हो । उक्त गाडीमा ८५ किलोवाटको पावर रहेको छ, जुन यस सेग्मेन्टको गाडीमा सबैभन्दा धेरै हो । साथै, आरामदायी यात्राका लागि एस्पेसिअस ठूलो सिट, इन्टेरियर र फुल एसी रहेको छ ।

कम्पनीका अनुसार यसमा पाँच वर्ष अथवा तीन लाख किमिको वारेन्टी रहको छ, जुन नेपालमा पाइने गाडीहरूमध्ये सबैभन्दा धेरै हो । उच्च कार्यक्षमता र आरामदायी यात्राको ग्यारेन्टी गर्ने यो भ्यान सुरक्षाको दृष्टिकोण पनि सर्वोत्कृष्ट रहेको कम्पनीले जनाएको छ ।

फोटोनको पछिल्लो समयमा नेपालमा पिकअप, इलेक्ट्रिक लो रुफ भ्यान, इलेक्ट्रिक मिनी ट्रक, एम्बुलेन्स सेग्मेन्टमा अत्यन्त लोकप्रिय हुँदै गइरहेको छ । आकर्षक लुक्स र पेर्फोमेन्सले गर्दा फोटोन नेपालको मार्केटमा लोकप्रिय हुन सफल भएको छ ।