छोराको कुटपिटबाट ४६ वर्षीया आमाको मृत्यु

भोजपुर । आफ्नै छोराले कुटपिट गर्दा घाइते भएकी टेम्केमैयुङ गाउँपालिका–५ खावा बस्ने ४६ वर्षीया पबित्रा देवी राईको मृत्यु भएको छ । घरायसी बिवादका कारण उनकै छोरा २० वर्षीय सन्देश राईको छुटपिटबाट उनको मृत्यु भएको हो ।

सन्देशले आमालाई यहि मंसिर ९ गते कुटपिट गरेका थिए । सोही कुटपिटबाट बिरामी भएकी पबित्राको उपचारको लागि जिल्ला अस्पताल भोजपुर लैजाने क्रममा आइतबार दिउँसो बाटोमै मृत्यु भएको हो । अहिले सन्देशलाई प्रहरीले पक्राउ गरी यस सम्बन्धमा आवश्यक अनुसन्धान गरिरहेको जनाएको छ ।