बुवाको हत्या अभियोगमा २१ वर्षीय चेपाङ पक्राउ

चितवन । आफ्नै बुवा ४१ वर्षीय रामशरण चेपाङको हत्या गरेको अभियोगमा २१ वर्षीय सुनिल चेपाङ पक्राउ परेका छन् । ईच्छाकामना गाउँपालिका–३ चुम्लिङटार बस्ने सुनिललाई मंगलबार साँझ प्रहरीले पक्राउ गरेको हो ।

सामान्य बादविवाद हुँदा सुनिलले ढुङगाले प्रहार गर्दा गम्भीर घाइते भएका रामशरणको भरतपुर सरकारी अस्पतालमा उपचारको क्रममा मृत्यु भएको हो । ईलाका प्रहरी कार्यालय मुग्लिङ र अस्थायी प्रहरी पोष्ट फिस्लिङबाट खटिएको प्रहरीले सुनिललाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको जनाएको छ ।