छिमेकीको हत्या गरेको अभियोगमा एक युवा पक्राउ

बैतडी । सुर्नया गाउँपालिका–३ बिजुल बस्ने ५६ वर्षीया हरिना बिष्टको हत्या गरेको अभियोगमा सोही ठाउँ बस्ने एक युवा पक्राउ परेका छन् । मंगलबार दिउँसो प्रहरीले उक्त हत्या अभियोगमा २९ वर्षीय तेज बहादुर चन्दलाई पक्राउ गरेको हो ।

प्रहरीका अनुसार चन्दले फलामको रडले टाउकोमा प्रहार गर्दा हरिना बिष्टको घटनास्थलमा नै मृत्यु भएको थियो । सो खबर प्राप्त हुनासाथ जिल्ला प्रहरी कार्यालय बैतडी, ईलाका प्रहरी कार्यालय पाटन र अस्थायी प्रहरी पोष्ट सतबाँजबाट खटिएको प्रहरी टोलीले चन्दलाई आफ्नै घरभित्र लुकेर बसेको अवस्थामा पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको जनाएको छ ।