महिन्द्राको एक्सयूभी शोरुम धनगढीमा

काठमाडौं । महिन्द्रा युटिलिटी भेहिकलको एकमात्र आधिकारिक वितरक अग्नि ग्रुपले धनगढीमा शोरुम स्थापना गरेको छ । सो शोरुमबाट महिन्द्राका फ्ल्यागशिप ग्लोबल एसयूभीहरू स्कर्पियो एन, एक्सयूभी ७०० (एक्सयूभी, सेभेन डबल ‘ओ’) र एक्सयूभी ३०० (एक्सयूभी, थ्रि डबल ‘ओ’) को बिक्री गरिनेछ ।

साथै यसका अन्य सेवा र पार्टपुर्जाहरू समेत शोरुम पाईनेछ । कम्पनीले काठमाडौं, इटहरी, जनकपुरधाम, चितवन लगायतका ठाउँहरूमा स्कर्पियो एन, एक्सयूभी ७०० र एक्सयूभी ३०० को सफलतापूर्वक भव्य शुभारम्भ गरेपछि यो शोरुम क्षेत्रीयस्तरमा धनगढीमा पनि स्थापना गरेको हो । महिन्द्राका एक्सयूभी शोरुमको उद्घाटन सुदुरपश्चिम प्रदेशका मन्त्री प्रकाश बहादुर देउवा, अग्नि ग्रुपका कार्यकारी निर्देशक अर्जुन प्रसाद शर्मा र महिन्द्राका कन्ट्री हेड चैतन्य कगलकर र धनगढी, कैलालीका आधिकारिक डिलर ठाकुर मोर्टसका सञ्चालक हरिशङ्कर ठाकुर लगायतको उपस्थितीमा भएको थियो ।

अग्नि ग्रुपका कार्यकारी निर्देशक अर्जुन प्रसाद शर्माका अनुसार धनगढी र आसपासका ग्राहकहरूलाई अधिकतम सुविधा र किफायती रूपमा कम्पनी र यसका सबै गुणस्तरीय सेवामा पहुँच उपलब्ध गराउने मूल उद्देश्य राखेर यो नयाँ शोरुम स्थापना गरिएको हो ।