सन्तोष पौडेल
बीरगञ्ज, जेठ ८
पर्साको ग्रामीण क्षेत्रमा प्रतिबन्धित लागूऔषधको कारोबार व्यपाकरूपमा बढेको पाइएको छ । प्रहरी र प्रशासन दुवै कोरोना महामारी र रोकथामका लागि केन्द्रित भएको बेला लागूऔषध कारोबारीलाई यो समय सुनौलो समय भएको छ । लागूऔषध कारोबारीले अहिले पर्साका विभिन्न ग्रामीण इलाकालाई तस्करीको ट्रान्जिट प्वाइन्ट बनाएका छन् । केही दिन पहिला लागूऔषध कारोबारीका दुई पक्षबीच झडप नै भयो । लागूऔषध गाँजा र चरेस ओसारपसार गर्ने क्रममै एक पक्षले अर्को पक्षको लागूऔषध गाँजा खोसेपछि झडप भएको स्रोतले बताएको छ ।
पर्साको ग्रामीण क्षेत्रको उत्तरी भाग अर्थात् पर्सा राष्ट्रिय निकुञ्ज र राष्ट्रिय वनको बाटोमा तस्करहरूको दुई समूहबीच झडप भएको हो । पर्सा राष्ट्रिय निकुञ्जमा पर्ने जंगलको बाटो भएर एक समूहले तस्करी गर्न लागेको प्रतिबन्धित लागू औषध गाँजा अर्को तस्कर समूहले लुट्ने क्रममा झडप भएको थियो । तस्करको एक समूहले मकवानपुरको मनहरीलगायतका पहाडी क्षेत्र र धादिङका विकट स्थानमा उत्पादित गाँजा पटेर्वा सुगौली गाउँपालिकातर्फ ल्याइरहेको बेला अर्को समूहले लुटेको थियो ।
पटेर्वा सुगौली गाउँपालिका वडा न २ गादी मन्दिर र मकवानिटोल क्षेत्रअन्तर्गतको सडकबाट ४ बोरामा रहेको करिब ६० किलो गाँजा अर्को तस्कर समूहले लुटेको स्थानीयले बताएका छन् । स्थानीयका अनुसार पटेर्वा सुगौली गाउँपालिकाको वडा न ५ देउरिया, वडा नम्बर ४ पटेर्वा र वडा नम्बर १ मा अहिले पहाडीक्षेत्रबाट ल्याईएको गाँजा तस्करहरूले भण्डारण गर्ने गरेका स्रोतको दाबी छ ।
त्यस क्षेत्रमा हुनेगरेको अवैध गतविधिमा स्थानीय प्रहरीको पनि मिलोमतो हुने गरेको स्रोतको दाबी छ । त्यसक्षेत्रमा अहिले लागूऔषध गाँजाको तस्करी मौलाएको स्थानीयले बताएका छन् । लुटिएको गाँजा लुटेका तस्कर समूह र लुटिएका तस्कर समूहबीच गादीमा फिर्ता गर्ने विषयमा गोप्य छलफल गरेको पनि स्रोतले जनाएको छ । इलाका प्रहरी कार्यालय पटेर्वा सुगौलीका प्रहरी निरीक्षक दिपक चोरवारले भने त्यस्तो खबर आफूले नपाएको र यदि त्यस्तो भए खोजी गरेर कारबाही गर्ने बताए ।
क्याटेगोरी : नेपाल
ताजा अपडेट
- लेबनानमा युद्धविराम घोषणा
- सहकारी नियमन गर्न तीन महिनाभित्र बनाउनु पर्ने निकाय गठनको काम कहाँ पुग्यो?
- डेडिकेटेड फिडर तथा ट्रंकलाइन बक्यौता रहेका उद्योग सञ्चालकहरुको घरमा प्राधिकरणको लाइन काट्ने तयारी
- वन मुद्दामा आरोपित भीआईपी व्यापारी धरौटीमा छुट्नुको रहस्य !
- बक्यौता उठाउन प्राधिकरणको नयाँ जुक्ति
- पहाड र तराईका केही स्थानमा हुस्सु, बाँकी भागमा मौसम सफा
- यस्तो आजका लागि विदेशी मुद्राको विनिमय दर
- विवाह पञ्चमीलाई व्यवस्थित बनाउन दुई हजारबढी सुरक्षाकर्मी परिचालन
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया