आईएमई लाइफ इन्स्योरेन्सको भक्तपुर शाखा स्थानान्तरण

काठमाडौं । आईएमई लाइफ इन्स्योरेन्सले भक्तपुर नगरपालिका वडा नं १ स्थित नगरकोट रोड, सल्लाघारी सपिङ कम्प्लेक्समा रहेको भक्तपुर शाखा कार्यालय करिब चार सय मिटर अगाडि सिर्जनानगर चोकमा स्थानान्तरण गरेको छ ।

स्थानान्तरित शाखा कार्यालयको उद्घाटन समारोह शुक्रबारको दिन सम्पन्न भएको कम्पनीले जानकारी दिएको छ । आईएमई लाइफ इन्स्योरेन्स कम्पनी लिमिटेडका प्रमुख कार्यकारी अधिकृत कवि फुँयालले शाखा कार्यालय उद्घाटन गरेका हुन् । कार्यक्रममा कम्पनीका प्रमुख सञ्चालन अधिकृत दिनेश अमात्य, नेफस्कुनका सञ्चालक सदस्य तथा पारिजात साकोसका अध्यक्ष टंकराज काफ्लेलगायत अन्य कर्मचारीहरू, एजेन्सी म्यानेजरहरू, अभिकर्ताहरू र स्थानीय व्यक्तिहरूको उपस्थिति रहेको थियो ।

नयाँ स्थानमा शाखा कार्यालय स्थानान्तरणसँगै कम्पनीका सेवाग्राहीहरू र अभिकर्ताहरूले थप सहज र गुणस्तरीय सेवा सुविधा प्राप्त गर्नुहुने कम्पनीका प्रमुख कार्यकारी अधिकृतले बताए । कार्यक्रममा ५० भन्दा बढीको उपस्थिति रहेको थियो ।