धुलिखेल जिपलाइनको ‘विन्टर अफर’

काठमाडौं । वर्ल्ड–वाइड एडभेन्चर प्रालिले सञ्चालनमा ल्याएको धुलिखेल जिपलाइनले ‘विन्टर अफर’ सार्वजनिक गरेको छ । अफरअन्तर्गत सबैखाले जिपलाइन खेल्दा २० प्रतिशत छुट पाइने बताइएको छ । क्लासिक जिपलाइन, उँडेझै खेल्न मिल्ने सुपरम्यान जिपलाइन र टेन्डम (दुई जनासँगै खेल्न मिल्ने) जिपलाइन कम्पनीले चार वर्षअघि सञ्चालनमा ल्याएको थियो । सुपरम्यान र टेण्डम जिपलाइन नेपालमै पहिलोपटक धुलिखेलमा सुरू गरिएको हो । धुलिखेल नगरपालिकाको थाक्लेदेखि ११ सय मिटरको जिपलाइनले पाँचखालको खावालाई जोडेको छ । जिपलाइन औसत ७५ किमि प्रतिघण्टाको गतिमा हुत्तिन्छ । करिब तीन सय मिटर भर्टिकल ड्रपमा उडिरहँदा नजिकका खेतबारी, जङ्गलको हरियालीसँगै लाङटाङ, दोर्जे लाक्पा, फुर्बीच्याचुलगायतका हिमालको समेत दृश्यावलोकन गर्न सकिन्छ । सिन्धुपाल्चोकका केदार थापा र काठमाडौंका भुपेश श्रेष्ठले धुलिखेल जिपलाइन सुरू गरेका थिए ।

कम्पनीका अनुसार जिपलाइनको शुल्क २५ सय रुपैयाँ रहेकोमा छुटपछि जम्मा दुई हजार रुपैयाँमा खेल्न सकिन्छ । सुपरम्यान ३५ सय रुपैयाँ रहेकोमा छुटपछि २८ सय रुपैयाँमा खेल्न पाइन्छ । टेन्डम (जोडी) खेल्दा चार हजार पाँच सय रहेकोमा छुटपछि जम्मा ३६ सय रुपैयाँमा जिपलाइनको मज्जा लिन सकिन्छ । यो अफर डिसेम्बर २८ सम्म उपलब्ध रहेको छ ।