‘रमाइलो’ एप आइफोनमा पनि चल्ने

काठमाडौं । नेपाली सर्ट भिडियो सेयरिङ प्लेटफर्म ‘रमाइलो’ मोबाइल एप अब आईफोनमा पनि चल्ने भएको छ । आईफोन प्रयोगकर्ताले एप स्टोरबाट डाउनलोड गरी चलाउन सकिने कम्पनीले जनाएको छ । यसअघि रमाइलो एप एन्ड्रोइड मोबाइल फोन प्रयोगकर्ताहरूले मात्र प्रयोग गर्न पाउने गरेको थियो ।

टिकटक बन्द भएपछि नेपालमा सञ्चालनमा आएको छोटा भिडियोहरू सेयर गर्ने प्लेटफर्म ‘रमाइलो’ मोबाइल एप धेरैले प्रयोग गर्ने गरेको एपका सह–संस्थापक एवम् प्रमुख कार्यकारी अधिकृत (सीईओ) गृहेन्द्र घिमिरेले जानकारी दिए । रमाइलो एपको एन्ड्रोइड भर्सनमा दैनिक करिब एक लाख सक्रिय प्रयोगकर्ता रहेका छन् ।