पेट्रोल चोरी गर्दा मोटरसाइकलमा आगलागी

सुर्खेत । मोटरसाइकलबाट पेट्रोल चोरी गर्ने क्रममा आगलागी भएर मोटरसाइकल पूर्णरुपमा जलेर नष्ट भएको छ । भेरीगंगा नगरपालिका–४ हर्य बस्ने २८ वर्षीय क्षितिज श्रेष्ठको भे.१० प ८६०८ नम्बरको मोटरसाइकलमा आगलागी हुँदा मोटरसाइकल जलेर पूर्णरूपमा नष्ट भएको हो ।

आफ्नै घर बाहिर पार्किङ गरी राखेको मोटरसाइकलबाट सोही ठाउँ बस्ने १९ वर्षीय कमल शाही र २४ वर्षीय पुरन बुढामगरले पाईपबाट पेट्रोल चोरी गरी पुन:जोड्न लाइटर बालेर पाइप तताउने क्रममा आज(मंगलबार) बिहान मोटरसाइकलमा आगलागी भएको हो । प्रहरीले दुबै जनालाई नियन्त्रणमा लिई यस सम्बन्धमा आवश्यक अनुसन्धान गरिरहेको छ ।