भान्साकोठामा आगलागी हुँदा ७६ वर्षीया बोहरा घाइते

नवलपरासी । नवलपरासी पूर्वस्थित मध्यबिन्दु नगरपालिका–५ पतवारी बस्ने ७६ वर्षीया मन कुमारी बोहराको भान्सा कोठामा आगलागी हुँदा करिब एक लाख रुपैयाँ बराबरको धनमाल जलेर नष्ट भएको छ । आगो ताप्ने क्रममा लागेको आगोबाट मन कुमारी घाइते भएकी हुन् ।

प्रहरीका अनुसार भान्सा कोठाबाट गोठमा समेत आगलागी भएको थियो । आगोले जलेर घाइते भएकी मन कुमारीको मध्यबिन्दु जिल्ला अस्पताल डण्डामा हुँदै थप उपचारका लागि भरतपुर सरकारी अस्पताल पठाइएको छ । प्रहरीले स्थानीय बासिन्दाको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको जनाएको छ ।