दुई वृद्ध मृत अवस्थामा फेला

काठमाडौं । छुट्टाछुट्टै स्थानमा दुई वृद्ध मृत अवस्थामा फेला परेका छन् । प्रहरीका अनुसार काठमाडौंमा एक र सर्लाहीमा एक गरी बुधबार दुई वृद्ध मृत अवस्थामा फेला परेका हुन् ।

काठमाडौंको दक्षिणकाली नगरपालिका–१ चाल्नाखेलको बोसन बस्ने ८५ वर्षीय जोनकिङ नेपाली आफ्नै घरमा बुधबार मृत अवस्थामा फेला परेका छन् ।

त्यस्तै, सर्लाहीको हरिपुर्वा नगरपालिका–३ धनकौल बस्ने ७५ वर्षीय राज नारायण राय आफ्नै गोठमा बुधबार मृत अवस्थामा फेला परेका छन् । यी घटनासम्बन्धमा प्रहरीले आवश्यक अनुसन्धान गरिरहेको जनाएको छ ।