नवलपरासीका अमिन ढकाल चार हजार घुससहित पक्राउ

काठमाडौं । नापी कार्यालय, नवलपरासी (बर्दघाट सुस्ता पश्चिम)का अमिन गोविन्द ढकाल चार हजार रुपैयाँ घुससहित पक्राउ परेका छन् । अख्तियार दुरुपयोग अनुसन्धान आयोगको कार्यालय बुटवलबाट खटिएको टोलीले आज(बिहीबार) उनलाई सेवाग्राहीबाट उक्त रकम लिइरखेको अवस्थामा पक्राउ गरेको हो ।

जग्गा नापजाँच गरी लालपुर्जा दिलाउने प्रयोजनार्थ सेवाग्राहीसँग घुस मागेको भन्ने सूचना तथा उजुरी निवेदनका आधारमा आयोगले ढकाललाई उनकै कार्यकक्षबाट उक्त रकमसहित पक्राउ गरेको हो ।

क्याटेगोरी : समाचार