काठमाडौं, जेठ ११
विदेशमा अध्ययनका लागि जान चाहने विद्यार्थीलाई त्यहाँका उत्कृष्ट कलेजसँग जोड्नका लागि आईडीपी एजुकेसनले मोबाइल एप सार्वजनिक गरेको छ । ग्लोबल एजुकेसन स्पेसलिस्टको रुपमा विगत ५० वर्षदेखि विश्वका विभिन्न देशमा सक्रिय आईडीपी एजुकेसनले नेपालका लागि ‘आईडीपी स्टडी अब्रोड’ एप सार्वजनिक गरेको हो । उक्त एपमार्फत विद्यार्थीले विश्वभर रहेका विभिन्न कलेजबारे घरमै बसेर जानकारी लिन सक्नेछन् ।
आईडीपी नेपालका प्रमुख अभिषेक श्रेष्ठले कम्पनीले ५० वर्षको ज्ञान र अनुभवमार्फत विद्यार्थीलाई उत्कृष्ट कलेज र उनीहरुले अफर गर्ने विभिन्न कोर्षको जानकारी सहज रुपमा प्रदान गर्न मोबाइल एप सार्वजनिक गरेको जानकारी दिए । ‘लकडाउनका कारण अहिलेको अवस्थामा यात्रा गर्न सम्भव छैन,’ उनले भने, ‘त्यसैले हामीले निर्धारित लक्ष्यअगावै यो एप सार्वजनिक गरेका हौँ । विद्यार्थीहरुले आफ्नो घरबाट नै कलेजको बारेमा सबै जानकारी हासिल गर्न सकून् भन्ने उद्देश्यका साथ यो एप तयार पारिएको हो ।’
विदेशमा पढ्नु जीवन परिवर्तनका लागि ठूलो अनुभवको विषय भएको श्रेष्ठ बताउँछन् । उनी भन्छन्, ‘यस्तोमा कहाँ पढ्ने, के पढ्ने भन्ने विषयको निर्णय लिनु अवश्य पनि चुनौतीकै विषय हुन्छ । विभिन्न साइटमा भेटिने जानकारीले अझ दोधारको अवस्था सिर्जना गर्नसक्छ । त्यसैले हामीले एकै ठाउँमा सबै जानकारीलाई समेटेर विद्यार्थीलाई सहज बनाउने कोसिस गरेको छौँ ।’ एपमा विद्यार्थीले ६ सय ५० भन्दा बढी विश्वविद्यालयमा रहेका कोर्षको अध्ययन गरी आफूलाई मन परेको कोर्ष सर्टलिस्ट गर्न सक्नेछन् । विश्वविद्यालयको भर्नाको विषयमा निरन्तर अपेडमा बस्नका साथै त्यहाँ अध्ययन गरिरहेका विद्यार्थीहरुबाट सुझाव समेत लिन सकिने आईडीपीले जनाएको छ ।
क्याटेगोरी : कर्पोरेट-वाणिज्य-उद्योग
ताजा अपडेट
- सर्वसाधारणका लागि खुला गरिएपछि धरहरा चढ्नेको भीड
- प्राधिकरणको उदीपुर सबस्टेसन निर्माण सम्पन्न
- मेटा र स्पोटिफाईद्वारा युरोपेली सङ्घको एआई सम्बन्धी अस्पष्ट निर्णयको आलोचना
- प्रजातन्त्रका ‘श्रीगणेश’ अर्थात् लौहपुरुष गणेशमान
- नुवाकोटमा आधुनिक बन्दी गृह
- विकास निर्माणका लक्ष्य किन सधैँ अधुरा
- संविधान संशोधनबाट राजनीतिक अस्थिरताको सम्बोधन गर्न सकिन्छ : प्रधानमन्त्री
- संविधानले विभेद र उत्पीडन अन्त्य गरी एकताको सूत्रमा आबद्ध गरेको छ: राष्ट्रपति पौडेल
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया