एनआईसी एसिया लघुवित्तको सञ्चालकमा खड्का

काठमाडौं । एनआईसी एसिया लघुवित्त वित्तीय संस्थाको सञ्चालक पदमा कमल खड्का नियुक्त भएका छन् । संस्थापक एनआईसी एसिया बैंक लिमिटेडको सञ्चालक समितिको बैठकको निर्णयअनुसार खड्कालाई संस्थापक समूहमा प्रतिनिधि सञ्चालक मनोनयन गरी पठाइएकोमा संस्थाको बिहीबार बसेको सञ्चालक समितिको बैठकले उनलाई उक्त सञ्चालक पदको बाँकी रहेको कार्यकालसम्मको लागि नियुक्त गरेको हो । उक्त पदमा यसअघि सञ्चालक दिनेश भारी संस्थापक समूहमा संस्थापक एनआईसी एसिया बैंक लिमिटेडको तर्पmबाट प्रतिनिधित्व गर्दै आएका थिए ।

साथै, नवनियुक्त सञ्चालक खड्काले संस्थाका अध्यक्ष सन्तोषकुमार राठी समक्ष सपथग्रहण गरी आफ्नो पद बहाल गरेका छन् । बैंकिङ क्षेत्रमा करिब १० वर्षदेखि कार्यरत रहेका खड्का एनआईसी एसिया बैंक लिमिटेडमा आन्तरिक लेखापरीक्षण विभागमा विभागीय प्रमुखको रूपमा कार्यरत रहनुका साथै पेसाले चार्टर्ड एकाउन्टेन्ट पनि हुन् । उनको कार्यानुभवबाट संस्थाले लिएको लक्ष्य हासिल गरी संस्थालाई लघुवित्त वित्तीय संस्थाहरू माझ अग्रणी, सबल तथा सशक्त लघुवित्त संस्थाको रूपमा स्थापित गराउन अभैm थप सहयोग पुग्ने संस्थाको विश्वास रहेको छ ।