म्यान्मारबाट नौ महिनामा साढे नौ लाख टन चामल निर्यात

याङ्गुन । म्यान्मारले आर्थिक वर्ष २०२३/२४ को पहिलो नौ महिनामा नौ लाख ५३ हजार पाँच सय दुई टन चामल निर्यात गरेको छ । सो निर्यातबाट चार सय ६२ मिलियन अमेरिकी डलर आम्दानी भएको हालै सार्वजनिक गरेको तथ्यांकले देखाएको छ । नौ महिनाको अवधिमा पनि डिसेम्बर महिनामा सबैभन्दा बढी चामल निर्यात भएको र राजस्व ९९ मिलियन डलर संकलन भएको तथ्यांकले देखाएको छ ।

स्रोतका अनुसार डिसेम्बरमा एक लाख एक हजार एक सय ५६ टन चामल र ९४ हजार छ सय ७२ टन कनिका निकासी भएको थियो । म्यान्मारले इन्डोनेसिया, फिलिपिन्स, चीन, पोल्याण्ड, मलेसिया, बेल्जियम, नेदरल्यान्ड्स र भियतनामलगायत २० भन्दा बढी देश र क्षेत्रहरूमा चामल निर्यात गर्ने गर्दछ । रासस/सिन्ह्वा