लक्ष्मी सनराइज बैंकको साधारणसभा सम्पन्न

काठमाडौं । लक्ष्मी सनराइज बैंकको २३औँ साधारणसभा सम्पन्न भएको छ । यही पुस २६ गते काठमाडौंमा सम्पन्न भएको वार्षिक साधारणसभाले सञ्चालक समितिको प्रतिवेदन तथा अर्थिक वर्ष २०७९/८० को वित्तीय विवरण पारित गर्दै आर्थिक वर्ष २०७९/८० सम्मको सञ्चित मुनाफाबाट सेयरधनीलाई सात प्रतिशत बोनस सेयर दिने प्रस्ताव पारित गरेको छ ।

साथै, सभाले संस्थापक सेयरधनीको तर्फबाट रमण नेपाल र मनोज कुमार भट्टराई तथा सर्वसाधारण सेयरधनीको तर्फबाट स्वाती रुङ्गटा र दिनेश पौड्याललाई सञ्चालक समितिमा निर्वाचित गरेको छ । नवनियुक्त सञ्चालक समितिकोे सोही दिन बसेको बैठकले रमण नेपाललाई सञ्चालक समितिको अध्यक्षमा नियुक्त गर्ने निर्णय गरेको छ ।