सेयर बजारमा देखियो उछाल

काठमाडौं । सेयर बजारमा उछाल देखिएको छ । साताको तेस्रो कारोबार दिन आज मंगलबार बजार परिसुुचक नेप्से ५४ दशमलव ५४ अंकले उकालो लागेर २१ सय ७५ दशमलव १७ बिन्दुमा कायम भएको छ । क बर्गका कम्पनीहरुको कारोबार मापन गर्नै सेन्सिटिभ इन्डेक्स पनि नौं दशमलव २६ अंकले उकालो लागेर तीन सय ९७ दशमलव ४३ बिन्दुमा पुग्न सफल भएको छ ।

धितोपत्र बजारमा आज तीन सय चार वटा कम्पनीहरुको सेयर खरिद बिक्री भएका छन् । जसबाट एक लाख ३३ हजार ६१ पटकको कारोबारमा दुई करोड ३३ लाख ७० हजार ५३ कित्ता सेयर खरिद बिक्री भएका छन् । सोही खरिद बिक्रीका आधारमा आज कुल कारोबार रकम आठ अर्ब दुई करोड ३८ लाख ६२ हजार चार सय चार सय छ रुपैंयाँ कायम भएको छ ।

नेपाल स्टक एक्सचेन्ज लिमिटेड (नेप्से) मा आज १३ वटा उपसमुहहरुको सेयर कारोबार भएका छन् । जसमध्ये बाणिज्य बैंक, बिकास बैंक, फाईनान्स, जलबिद्युत, जीवन बीमा, निर्जीवन बीमा सहितका सबै समुहहरुको सुचक उकालो लागेर सेयर बजारमा पुरै हरियाली छाएको छ ।