पोखरामा २२ वर्षीय युवाले साढे दुई करोड लगानीमा खोले सुनचाँदी पसल
पोखरा । पोखरा महानगरपालिका वडा नं.४ चिप्लेढुङ्गामा साढे दुई करोड लगानीमा २२ वर्षीय एक युवाले सुनचाँदी पसल सञ्चालनमा ल्याएका छन् । पोखरा १२ अन्नपूर्ण टोल निवासी रोशन सुनारले ए.आर.सरिता ज्वेलर्स बुधबारदेखि सञ्चालनमा ल्याएका हुन् ।
पोखराको ट्रेडमलको अगाडि रहेको उनको सुन पसल(ज्वेलर्स) दुई करोड ५० लाख रुपैयाँ लगानी गरेर सञ्चालन गरिएको उनले सुनाए । स्वदेशमै केही गर्नुपर्छ भन्ने उद्देश्य राखेर आफूले व्यवसाय गर्ने सोँचका साथ ज्वेलर्समा लगानी गरेको सञ्चालक सुनारले बताए ।
पुर्ख्यौली पेशासमेत भएका कारण पनि आफ्नो रोजाईमा ज्वेलर्स परेको उनले सुनाए । उनका बुबा राजकुमार सुनारले पोखराको बगर र भारतमा समेत लामो समयदेखि सुन व्यवसाय गर्दै आएका छन् ।
ज्वेलर्सका संरक्षक राजकुमार सुनारले आफ्नो छोराले सुन व्यवसाय सञ्चालन गर्ने सोँच बनाएपछि आफूले साथ दिएको बताए । उक्त ज्वेलर्सको बुधबारको उत्तम साइतमा पोखरा रोयल सहकारीका अध्यक्ष रुद्रकुमारी गुरुङ (मैना) र चिप्लेढुंगा सिद्धार्थचोक व्यवसायी संघका अध्यक्ष देवबहादुर भुजेलले उद्घाटन गरेका थिए ।
सो अवसरमा गुरुङले देशको परिस्थिति र आर्थिक संकट परिरहेको अवस्थामा पनि युवाले व्यवसाय अघि बढाउनु अत्यन्तै खुशीको कुरा भएको बताइन् ।
चिप्लेढुंगा सिद्धार्थचोक व्यवसायी संघका अध्यक्ष देवबहादुर भुजेलले युवाहरु विदेश पलायन भइरहेको अवस्थामा रोशनले स्वदेशमै व्यवसाय सञ्चालन गर्नु निकै प्रशंसनीय हुने भन्दै यसले निकै राम्रो सन्देश प्रवाह हुने बताए । त्यस्तै, स्थानीय व्यवसायी जनकराज सुवेदीले ज्वेलर्सको उच्च सफलताको शुभकामना व्यक्त गरे ।
ज्वेलर्स संचालक सुनारका अनुसार व्यवसाय शुभारम्भको अवसरमा यहि माघ १८ गतेसम्म ग्राहकहरुलाई ज्यालामा ५० प्रतिशत छुट दिइने छ ।
क्याटेगोरी : कर्पोरेट-वाणिज्य-उद्योग
ताजा अपडेट
- इजरेल किन अधीनस्थ वेस्ट ब्याङ्कमा बस्ती बसाउने काम रोक्दैन ?
- दुर्घटना अपडेटः बसको ठक्करबाट घाइते महिलाको पनि मृत्यु
- उदाउँदो चन्द्रमालाई अघ्र्य दिँदै चौठचन्द्र पर्व सम्पन्न
- राजनीतिक परिवर्तनप्रति कर्मचारीहरुले गरेको योगदान प्रशंसायोग्य छ :प्रधानमन्त्री
- हरितालिका (तीज) : पशुपतिनाथलगायत देशभरका शिवालयमा बिहानैदेखि भीड
- संयुक्त राष्ट्रसङ्घको महासभामा भाग लिन प्रधानमन्त्री ओली न्यूयोर्क जानुहुने
- जेष्ठ नागरिकको अवस्था
- नेपालको वैदेशिक व्यापारमा चुनौतीहरू
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया