नेपालप्रति भारतको दादागिरी, सगरमाथालाई भारतको भनेर टेलिसिरियलमा प्रचार

काठमाडौं । छिमेकी मुलुक भारतले नेपाली भूमिलाई लिएर प्रत्यक्ष र अप्रत्यक्ष रुपले हेपाहा प्रवृत्ति बारम्बार देखाउने गर्दै आएको छ । पछिल्लो समय अर्थात् यहि जनवरी महिनामा फेरि भारतले एक टेलिभिजन सिरियलमा नेपालको सर्वोच्च शिखर सगरमाथालाई भारतको भनेर गलत प्रचारप्रसार गरेको छ ।

भारतको चर्चित टेलिभिजन जीटिभीले प्रसारण गर्दै आएको ‘कैसे मुझे तुम मिल गए’नामक टेलिसिरियलमा नेपालको सर्वोच्च शिखर सगरमाथालाई भारतको भनेर प्रचार गरिएको छ । सो टिभी सिरियलको हालै प्रकाशित नयाँ एपिसोडमा नेपालको सगरमाथालाई भारतको भनेर प्रस्तुत गरिएको छ ।

सिरियलको उक्त एपिसोडमा टेलिसिरियलमा एक पुराना कलाकारले अर्को एक कलाकारलाई सामान्य ज्ञानको प्रश्नोत्तरका क्रममा ‘भारतको सबैभन्दा उच्च पहाडको चुचुरोको नाम के हो ?’, भनेर सोध्छिन् । त्यसपछि ती पुरुष कलाकारले ‘माउण्ट एभरेष्ट’ भनेर सहज तरिकाले उत्तर दिन्छन् । अनि सिरियलको सो दृश्यमा उपस्थित अन्य कलाकारले ताली बजाउँछन् ।

सो सिरियलको उक्त भागको युट्युब भर्सनमा हेर्न दर्शकमध्ये धेरैले सगरमाथा नेपालमा रहेको जिकिर गरिरहेका छन् । कतिपयले स्क्रिप्ट लेख्नेले गलत लेख्यो भनेर सच्याउन माग गरिरहेका छन् । कतिपयले नेपाल सरकारको ध्यानाकर्षण पनि गराएका छन् ।

सिरियलको तल दिइएको उक्त एपिसोडको लिंक यूटुबमा गएर हेर्न सकिन्छ :

https://www.youtube.com/watch<v=2PM6cDrfGbU