सिटिजन्स लाइफको लाभांश घोषणा

काठमाडौं । सिटिजन लाइफ इन्स्योरेन्स कम्पनीले लाभांश वितरणको घोषणा गरेको छ । कम्पनीले आर्थिक वर्ष २०७९/८० को कुल मुनाफाबाट सेयरधनीलाई लाभांश दिने घोषणा गरेको हो । लाभांश वितरणसम्बन्धी प्रस्ताव पारित गर्नका लागि कम्पनीको सोमबार बसेको सञ्चालक समितिको बैठकले पाँच प्रतिशत बोनस सेयर र कर प्रयोजनका लागि शून्य दशमलव २६ प्रतिशत नगद लाभांश दिने निर्णय गरेको छ । प्रस्तावित लाभांश नेपाल बीमा प्राधिकरणको स्वीकृति र कम्पनीको आगामी वार्षिक साधारणसभाबाट पारित भएपछि कार्यान्वयनमा आउने छ ।