चितवनको सौराहामा ‘एनपीनोग नाइन’

काठमाडौं । चितवनको सौराहामा सूचना प्रविधि कार्यशाला ‘एनपीनोग नाइन’ आयोजना गरिएको छ । उक्त कार्यशाला माघ १४ देखि १८ गतेसम्म आयोजना गरिएको थियो ।

इन्टरनेट एक्सचेन्ज नेपाल (एनपीआईएक्स) तथा नेपाल नेटवर्क अपरेटर्स ग्रुप (एनपीनोग)ले संयुक्तरूपमा सञ्चालन गरेको पाँच दिने यो कार्यशालामा नेटवर्क एसेन्सियल्स विषयमा विभिन्न विज्ञले प्रस्तुति दिएका थिए । कार्यशालामा नेटवर्किङ एवम् सूचना तथा सञ्चार प्रविधिको क्षेत्रमा लागेका व्यावसायिक विज्ञहरूबाट विषयगत तालिम सञ्चालन गरिएको थियो । इन्टरनेट पूर्वाधार निर्माण र व्यवस्थापनमा उच्च दक्ष प्राविधिक जनशक्तिको आवश्यकतालाई सम्बोधन गर्न यो कार्यशाला फलदायी हुने आयोजकको विश्वास छ । कार्यशालामा ३९ जना सहभागी भएका थिए ।