अख्तियारद्वारा घुसकाण्डमा पक्राउ परेका काभ्रेका वडाध्यक्षलाई कैद र जरिवानाको माग

काठमाडौं । अख्तियार दुरुपयोग अनुसन्धान आयोगले काभ्रेको बनेपा नगरपालिका वडा नं.९ का वडा अध्यक्ष नृपेश बादेलाई कैद र जरिवानाको माग गर्दै बिशेष अदालत काठमाडौंमा आरोपपत्र दायर गरेको छ । उनले घर बाटो सिफारिस गरिदिने क्रममा सेवाग्राहीसँग घुस लिएको प्रमाणित भएकाले उनीविरुद्ध अख्तियारले सजायको माग गर्दै बिशेष अदालतमा आज शुक्रबार आरोपपत्र दायर गरेको हो ।

सेवाग्राहीसँग घुस माग गरिरहेको भन्ने सूचना एवं उजुरीका आधारमा अख्तियारको टोलीले वडा अध्यक्ष बादेलाई सेवाग्राहीबाट १५ लाख रुपैयाँ घुस लिइसकेको अवस्थामा यहि माघ ३ गते नियन्त्रणमा लिएको थियो । साथै, बादेले घरबाटो सिफारिस गरिदिने प्रयोजनार्थ सेवाग्राहीसँग उक्त घुस लिएको पुष्टि भएकोले अख्तियारले उनीविरुद्ध कानुन बमोजिम कैद र जरिवानाको माग गर्दै मुद्दा दायर गरेको हो ।