जुलीज केक र पेस्ट्रीद्वारा अनलाइन सेवा सुचारु

काठमाडौं । दुई दशकदेखि बेकरी व्यवसायमा आबद्ध जुलिज केक र पेस्ट्रीले अनलाइन सेवा सुरु गरेको छ । जुलिजले आइतबार एक कार्यक्रमका बीच आफ्नै ई–कमर्स प्लेटफर्म सार्वजनिक गरेको हो ।

जुलीको अनलाइन सेवामार्फत आफूलाई मनपर्ने बेकरी तथा केक आइटमहरू सहजै घरमा मगाउन सकिनेछ । जुलीज केक र पेस्ट्रीका संस्थापक ज्योति नकर्मी र जुली प्रधानाङ्गले नयाँ प्रविधिलाई आत्मसात गरेर ग्राहक सेवा विस्तार गर्न पाएकोमा हर्षित भएको बताए । ‘हामीले सानो बेकरीको रूपमा सुरु गरेको जुलिज केक्स एन्ड पेस्ट्रिजले आफ्नो यात्राको दौरान गुणस्तरीय उत्पादन र सेवा प्रदान गरिरहेका छौं’, संस्थापकद्वयले भने, ‘अहिलेको आधुनिक समय र ग्राहकको व्यस्ततालाई ध्यानमा राखेर अनलाइनमार्फत पनि अर्डर गर्न सकिने सुबिधा सुरु गरेका छौँ ।’