कृषि विकास बैंकले डाक्यो साधारणसभा

काठमाडौं । कृषि विकास बैंकले फागुन ३० गते बुधबारका लागि सत्रौँ वार्षिक साधारणसभा डाकेको छ । बैंकले केन्द्रीय तालिम प्रतिष्ठान, भक्तपुर बोडेमा बिहान ११ बजे साधारणसभा डाकेको हो ।

साधारणसभाले आर्थिक वर्ष २०७९/८०को वार्षिक प्रतिवेदन, नाफा–नोक्सान हिसाब, इक्विटीमा भएको परिवर्तन, नगद प्रवाह विवरण र सोसम्बन्धी अनुसूचीलगायत वार्षिक आर्थिक विवरणहरू छलफल गरी पारित गर्नेछ । यस्तै, आर्थिक वर्ष २०८०/८१का लागि महालेखापरीक्षकको कार्यालयबाट लेखापरीक्षक नियुक्तिको लागि परामर्श प्राप्त भएका लेखापरीक्षकहरूलाई लेखापरीक्षकमा नियुक्ति गर्ने तथा पारिश्रमिक र सेवा सर्त तोक्ने सञ्चालक समितिको प्रस्ताव माथि साधारणसभामा छलफल भई निर्णय हुनेछ । साधारणसभा प्रयोजनार्थ बैंकले फागुन १७ गते शनिबारदेखि फागुन ३० गतेसम्म बुक क्लोज गर्ने भएको छ । फागुन १५ गतेसम्म कायम सेयरधनीले साधारणसभामा सहभागिता जनाउन सक्नेछन् ।