श्रीलंकामा रुसी र युक्रेनी पर्यटकलाई भिसा दिन कडाई
कोलम्बो । रुस–युक्रेन युद्धका कारण आफ्नो टापुमा बस्न आउने हजारौं रुसी र युक्रेनी पर्यटकका लागि श्रीलंकाले दीर्घकालीन पर्यटक भिसा नदिने भएको छ । मस्कोले युक्रेनमा आक्रमण गरेपछि रुस र युक्रेनबाट केही मानिसहरु दीर्घकालीन पर्यटक भिसा लिई श्रीलंकामा बस्दै आएका छन् ।
अध्यागमनका आयुक्त हर्ष इलुकपिटियाले सरकारले पर्यटक भिसाको थप म्याद नदिएको जानकारी गराएका छन् । उनले त्यसरी भिसा लिएर बसेका पर्यटकलाई आफ्नो देश फर्कन मार्च सातको समय सीमा दिइएको बताए । हवाई उडानको अवस्था सामान्य भएको र उनीहरुलाई फर्कन कठिनाइ नभएकाले श्रीलंकाले यस्तो नीति लिएको हो ।
अध्यागमनको तथ्यांकअनुसार रुसले युक्रेनमा आक्रमण सुरु गरेयता रुसबाट दुई लाख ८८ हजार र युक्रेनबाट २० हजार पर्यटक श्रीलंका भ्रमण गरेका छन् । रुसी र युक्रेनी नागरिकहरु सेनामा भर्ती हुनपर्ने अवस्थाबाट बच्नका लागि श्रीलंकामा लामो समयका लागि पर्यटक भिसा लगाएर बस्ने गरेको पाइएको छ । यसरी श्रीलंका बसेका पर्यटकहरु व्यापार व्यवसायमा समेत लागेका छन् । केहीले रेष्टुरेन्ट सञ्चालन गरेका छन नभने केहीले रात्रिकालीन क्लब सञ्चालन गर्दै आएका छन् ।
रुसी नागरिकले सञ्चालन गरेको रात्रिकालीन क्लबमा ‘श्वेत मानिस मात्र’को पाटी आयोजना गरिएपछि सामाजिक सञ्जालमा त्यसको चर्को विरोध भएको थियो । त्यसपछि श्रीलंकन सरकारले उक्त निर्णय गरेको हो ।
क्याटेगोरी : विश्व बजार
ट्याग : #Page 5
ताजा अपडेट
- इजरेल किन अधीनस्थ वेस्ट ब्याङ्कमा बस्ती बसाउने काम रोक्दैन ?
- दुर्घटना अपडेटः बसको ठक्करबाट घाइते महिलाको पनि मृत्यु
- उदाउँदो चन्द्रमालाई अघ्र्य दिँदै चौठचन्द्र पर्व सम्पन्न
- राजनीतिक परिवर्तनप्रति कर्मचारीहरुले गरेको योगदान प्रशंसायोग्य छ :प्रधानमन्त्री
- हरितालिका (तीज) : पशुपतिनाथलगायत देशभरका शिवालयमा बिहानैदेखि भीड
- संयुक्त राष्ट्रसङ्घको महासभामा भाग लिन प्रधानमन्त्री ओली न्यूयोर्क जानुहुने
- जेष्ठ नागरिकको अवस्था
- नेपालको वैदेशिक व्यापारमा चुनौतीहरू
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया