टोटल इनर्जीको रिटेलर मिट

काठमाडौं । टोटल इनर्जीको रिटेलर मिट सम्पन्न भएको छ । लक्ष्मी ल्युब आयल प्रालि र टोटल इनर्जीको आधिकारिक विक्रेता शंकर यमुना अटो पार्टसको सहकार्यमा हालै सो रिटेलर मिट सम्पन्न भएको हो ।

कार्यक्रममा काठमाडौंका एक सय ५० जनाभन्दा बढी रिटेलरहरूको सहभागिता रहेको कम्पनीले जनाएको छ । कार्यक्रममा टोटल इनर्जी इन्डियाका एक्स्पोर्ट मेनेजर पुरुषोतमन एमएसले कम्पनीका उत्पादनको रेन्ज र यसका विशेषताको बारेमा जानकारी गराएका थिए । यस्तै, कार्यक्रममा नेपाल अटो मेकानिक्स ट्रेड युनियनका पूर्वअध्यक्ष माधव प्रसाद पाण्डेले कमसल गुणस्तरका लुब्रिकेन्टको कारोबार बढ्दै गएको अवस्थामा गुणस्तरीय लुब्रिकेन्टको कारोबार गर्ने व्यवसायीलाई चुनौती थपिएको उल्लेख गरे । यस्तै, उनले आमविक्रेता र उपभोतmाहरूलाई गुणस्तरीय लुब्रिकेन्टको प्रयोग र बिक्री वितरण गर्न सुझाव दिए । नेपाल वर्कसप व्यवसायी संघका केन्द्रीय अध्यक्ष शरणकुमार गुरुङ्गले गुणस्तरहीन लुब्रिकेन्टको कारोबार मौलाउँदै जानु दुःखद् रहेको उल्लेख गर्दै यसलाई रोक्न मापदण्ड बनाउन सरकारसँग पहल गर्ने बताए ।

शंकर यमुना अटो पार्ट्सका म्यानेजिङ डाइरेक्टर शंकरराज कारजितको सभापतित्वमा भएको कार्यक्रममा नेपाल वर्कसप व्यवसायी संघका सहकोषाध्यक्ष श्रीप्रसाद गुरुङ्ग, लक्ष्मी ल्युब आयलका सेल्स मेनेजर उमेश घिमिरेलगायतको सहभागिता रहेको थियो ।