ग्रिल तथा स्टिल व्यवसायी महासंघको महिला उपसमिति गठन

काठमाडौं । ग्रिल तथा स्टिल व्यवसायी महासंघले विष्णुमाया उचहीको नेतृत्वमा महिला उपसमिति गठन गरेको छ । महासंघअन्तर्गत रहेको महिला उप–समितिको हालै राजधानीमा सम्पन्न राष्ट्रिय भेला तथा प्रथम अधिवेशनले उचहीको अध्यक्षतामा नौ सदस्यीय नयाँ कार्यसमिति चयन गरेको हो ।

उप–समितिको उपाध्यक्षमा देवी कार्की, सचिवमा शर्मिला कार्की(रिमाल), कोषाध्यक्षमा सरिता प्रधान चयन भएका छन् । यसैगरी सदस्यहरूमा सम्झना सिलवाल, सिर्जना भट्टराई, प्रभा घिमिरे, तारा बुढाथोकी, गीता खम्चा सर्वसहमतरूपले निर्वाचित भएका हुन् । उपसमिति अध्यक्ष उचहीले आफ्नो नेतृत्वमा महासंघमा आबद्ध महिला सदस्यहरूलाई नयाँ आयामबाट माथि उठाउन प्रतिबद्ध भएर लाग्ने बताइन् । महिला उप–समितिको भेलाको उद्घाटन समारोहमा प्रतिनिधिसभाका उपसभामुख इन्दिरा रानामगरले महिलाहरू आर्थिकरूपमा सबल भएमात्रै देशको अर्थतन्त्र सबल हुने बताइन् । यस्तै, महासंघका अध्यक्ष उमेशप्रसाद सिंहले लघु, घरेलु तथा साना उद्योग सञ्चालन र प्रवद्र्धनमा महिलाको उच्च भूमिका रहने बताएका थिए ।