नयाँ सामसङ ग्यालेक्जी फिटथ्री सार्वजनिक

काठमाडौं । सामसङ नेपालले आफ्नो सबैभन्दा नयाँ सटिक फिटनेस ट्रयाकर ग्यालेक्सी फिटथ्री सार्वजनिक गरेको छ । कम्पनीका अनुसार ग्यालेक्सी फिटथ्री सामसङको सबैभन्दा नयाँ लगाउन मिल्ने (वेरेबल) डिभाइस हो ।

सामसङ नेपालका एमएक्स बिजनेसका निर्देशक प्रणय रत्न स्थापितले ग्यालेक्सी फिटथ्रीले दैनिक वेलनेसलाई प्रवर्द्धन गर्ने र सबैलाई आफूलाई उत्कृष्ट बनाउन प्रेरित गर्ने पहुँचयोग्य स्रोतहरू प्रदान गर्ने कम्पनीको प्रतिबद्धतालाई जोड दिएको बताए । यसमा फराकिलो डिस्प्लेसहितको एल्युमिनियम बडी छ । साथै, यो हलुका र लगाउन एकदमै आरामदायक रहेको कम्पनीले जनाएको छ । यस्तै, यसको ब्याट्री १३ दिनसम्म टिक्ने बताइएको छ । प्रयोगकर्ताहरूले आफ्नो ट्रयाकरलाई निजीकृत गर्न सक्छन् र एक सयभन्दा बढी प्रिसेटहरू सेटिङबाट आफ्नो मनपर्ने वाच फेस छनोट गरेर वा ब्याकग्राउण्डको रूपमा आफ्नै फोटोहरू सेट गरेर यसलाई थप स्टाइलिस बनाउन सक्छन् । प्रयोगकर्ताहरूले सजिलैसँग एक–क्लिक बटनको साथ आफ्नो फेसन र दैनिक दिनचर्याहरू सुहाउँदो ब्यान्डहरू मिलाएर लगाउन सक्छन् ।

ग्यालेक्सी फिटथ्रीमा ५ एटीएम रेटिङ र आइपी ६८ रेट गरिएको पानी र धुलो प्रतिरोध सुविधा छ । साथै, यसमा फल डिटेक्सन र इमर्जेन्सी एसओएसलगायतका नयाँ सुरक्षा सुविधाहरू थपिएका छन् । असामान्य गिरावट पत्ता लाग्नेबित्तिकै यसले प्रयोगकर्ताहरूलाई आपतकालीन सेवाहरूका लागि समयमै चिकित्सा सहायता प्राप्त गर्न कल गर्ने विकल्प प्रदान गर्छ । प्रयोगकर्ताहरू आपतकालीन अवस्थामा हुँदा तिनीहरूले साइड बटन पाँच पटक थिचेर तुरुन्तै एस ओ एस पठाउन सक्छन् । यो ग्रे, सिल्भर, पिङ्क गोल्ड रङ्गहरूमा उपलब्ध रहेको यो उपकरणको मूल्य सात हजार नौ सय ९९ रुपैयाँ तोकिएको छ ।