कोरोनाबाहेकका कारणबाट विदेशमा मृत्यु भएकाको मात्र शव स्वदेश ल्याइने
काठमाडौं, जेठ २५
सरकारले विदेशमा मृत्यु भएका नागरिकको शव ल्याउने भएको छ । श्रम, रोजगार तथा सामाजिक सुरक्षा मन्त्रालयका अनुसार वैदेशिक रोजगारीमा गई मृत्यु भएका नागरिकहरुको शव स्वदेश ल्याउने जनाएको छ । यस्तै कोरोना भाइरसको संक्रमणबाट मृत्यु भएकाको हकमा भने तत्काल शव नल्याउने बताइएको छ ।
मन्त्रालयको अनौपचारिक स्रोतबाट प्राप्त जानकारीअनुसार कोरोनाका कारण विभिन्न मुलुकमा गरी २३ जनाको मृत्यु भएको छ । यसरी कोरोनाको कारण ज्यान गुमाउनेहरुमध्ये कतारमा चार, साउदी र यूएईमा क्रमशः नौ÷नौ जना र सेसेल्स, टर्की, अेमिरका, बंगलादेश, थाइल्याण्डलगायतका ११ मुलुकमा नौ जना नेपालीले ज्यान गुमाएका छन् ।
यस्तै कोरोना भाइरस फैलिनुअघि नै विदेशमा मृत्यु भएका शव हालसम्म ल्याउन नसकेकोमा सरकारको पछिल्लो निर्णयसँग मृतकका परिवारलाई राहत मिलेको छ । सरकारले शुक्रबार नै एउटा शव ल्याएको छ । यूएईमा रहेका नेपालीलाई स्वदेश फर्काउने क्रममा शुक्रबार एयर अरेयिबा विमान प्रयोग गरिएको थियो भने सोही विमानमार्फत एउटा शव स्वदेश ल्याइएको छ ।
बोर्डका अनुसार योसँगै विदेशमा ज्यान गुमाएका एकसय ५३ जनाको शव स्वदेश ल्याइने भएको छ । जसमध्ये मलेसियामा ४७, साउदीमा ४५, कतारमा २७, यूएईमा १३, कुवेतमा ११, बहराइनमा पाँच, ओमनमा एक र अन्यमा ४ शव ल्याउन बाँकी रहेको छ । यस्तै अमेरिकामा दुई, सेसेल्स, टर्की, बंगलादेश, थाइल्याण्ड, कम्बोडिया, साइप्रस, जोर्डन, जापान लगायतका मुलुकबाट समेत शव ल्याउनुपर्नेछ । विदेशमा मृत्यु भएकाको हकमा मुलुकमा लकडाउन भएसँगै अन्तर्राष्ट्रिय उडान बन्द हुँदा शव ल्याउन समस्या भएसँगै बोर्डले सम्बन्धित मुलुकमै अन्त्येष्टिका लागि पहल गरेको थियो ।
यस्तै कोरोना भाइरस फैलिनुअघि र पछि गरी विदेशमा दुई सय ३८ जना नेपालीले ज्यान गुमाएको वैदेशिक रोजगार बोर्डले जनाएको छ जसमध्ये १२ जना महिला र दुई सय २६ जना पुरुष रहेका छन् ।
मलेसिया, खाडी, दक्षिण कोरिया, जापान, अमेरिकालगायतका १९ वटा मुलुकमा रहेका नेपालीहरुमध्ये सो संख्यामा मृत्यु भएको बोर्डका निर्देशक राजन प्रसाद श्रेष्ठले बताए । बोर्डका अनुसार साउदीमा एक महिला र ५७ पुरुष, कतारमा एक महिला र ३६ पुरुष, युएइमा ४ महिला र ५१ पुरुष, कुवेतमा पाँच महिला र ५१ पुरुषको मृत्यु भएको छ भने मलेसियामा ५२ पुरुष, बहराइनमा ७ पुरुष, ओमानमा एक पुरुष र दक्षिण कोरियामा पाँच पुरुषको मृत्यु भएको छ ।
यस्तै अमेरिकामा दुई, सेसेल्स, टर्की, बंगलादेश, थाइल्याण्ड, कम्बोडिया, साइप्रस, जोर्डन, जापान, इराक र मंगोलियामा क्रमशः एक/एक जनाको मृत्यु भएको छ ।
लकडाउनसँगै अन्तर्राष्ट्रिय उडान बन्द हुँदा शव ल्याउन समस्या भएसँगै बोर्डले सम्बन्धित मुलुकमै अन्त्येष्टिका लागि मृतक कामदारको परिवारबाट सहमति माग गरेको थियो । सहमति प्राप्त भएसँगै सम्बन्धित मुलुकमै दाहसंस्कार गरिएको थियो ।
यसरी मृतक कामदारको परिवारबाट सहमति माग गरी विदेशमै ८५ जनाको अन्त्येष्टि गरिएको बोर्डले जनाएको छ । जसमध्ये बहराइनमा दुई, दक्षिण कोरिया र मलेसियामा क्रमश पाँच, साउदीमा १३, कतारमा १० र यूएईमा ४२ जनाको शव अन्त्येष्टि गरिएको हो । बोर्डले पछिल्लो समय मृतक कामदारको सम्बन्धित मुलुकमा नै अन्त्येष्टिका लागि परिवारबाट सहमति प्राप्त हुने क्रम जारी रहेको जनाएको छ ।
उडानको बुकिङ नखोल्न अन्तर्राष्ट्रिय विमान कम्पनीलाई निर्देशन : काठमाडौं । नेपाल नागरिक उड्डयन प्राधिकरणले नेपालमा अन्तर्राष्ट्रिय उडान नखुलिसकेको बताउँदै अन्तर्राष्ट्रिय एयरलाइनहरुलाई कुनै पनि किसिमको टिकट बुकिङ नखोल्न सूचना जारी गरेको छ ।
प्राधिकरणले शनिबार विज्ञप्तिमार्फत केही अन्तर्राष्ट्रिय एयरलाइनहरुले बुकिङ खोल्नथालेको सूचना आएको भन्दै सूचना जारी गरेको हो । ‘नागरिकलाई स्वदेश फर्काउनेबाहेक नेपालले सबै व्यावसायिक अन्तर्राष्ट्रिय उडान निलम्बन गरेको सबैलाई थाहै छ’, विज्ञप्तिमा भनिएको छ, ‘स्वदेश फर्काउने उडानको पनि कूटनैतिक प्रक्रिया छ ।’ सोही कारण नेपाल आउने गरी कुनै पनि किसिमको टिकट बुकिङ नगर्न प्राधिकरणले भनेको छ ।
क्याटेगोरी : समाचार
ताजा अपडेट
- उपहारमा पाएको जग्गामा एमालेले कति कर तिर्नुपर्ने हुन्छ?
- केही स्थानमा हल्कादेखि मध्यम वर्षाको सम्भावना
- सुक्खाबन्दरगाहद्वारा तीन महिनामा १२ अर्ब ७५ करोड राजस्व सङ्कलन
- यस्तो छ आजका लागि विदेशी मुद्राको विनिमय दर
- लामिछानेलाई पोखरा ल्याइयो
- सभापति लामिछानेविरुद्ध पक्राउ पुर्जी लिएर रास्वापा पार्टी कार्यालय पुग्यो प्रहरी
- प्रादेशिक अस्पताल जलेश्वरका चिकित्सकद्वारा हडताल
- आजदेखि मनकामना केबलकार नियमित सञ्चालनमा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया