सोलुखुम्बुमा क्वारेन्टाइन र आइसोलेसन थपिने
महेन्द्र शाही
सोलुखुम्बु, जेठ २५
सोलुखुम्बुका विभिन्न स्थानमा क्वारेन्टाइन तथा आइसोलेसन कक्षको संख्या वृद्धि गरिने भएको छ । भारतसहित तेस्रो मुलकबाट आउने नागरिकलाई लक्षित गरी क्वारेन्टाइन तथा आइसोलेसन कक्षको संख्या वृद्धि गरिने भएको हो । प्रमुख जिल्ला अधिकारी रमा आचार्यको अध्यक्षतामा बिहीबार बसेको बैठकले सम्पूर्ण स्थानीय तहलाई अनुरोध गरी थप व्यावस्थापन गर्ने निर्णय गरेको छ ।
वैदेशिक रोजगारीबाट आएकाहरूलाई क्वारेन्टाइन व्यवस्थापनसम्बन्धी सम्पूर्ण नीति नियम पालनाका लागि अनिवार्य कबुलियतनामा गराउने समेत निर्णय भएको प्रमुख जिल्ला अधिकारी आचार्यले जानकारी दिइन् । यस्तै कोरोनाका कारण निधन भएका व्यक्तिको शव व्यवस्थापन, स्वास्थ्य तथा जनसंख्या मन्त्रालयले तोकेको शव व्यवस्थापनसम्बन्धी संक्षिप्त कार्यविधिबमोजिम गर्ने र सोको लागि आवश्यक पर्ने पीपीई, शव वाहन, एम्बुलेन्स, डोजरलगायतको सामग्री व्यवस्थापन समेत सम्बन्धित स्थानीय तहले गर्ने निर्णय गरेको जिल्ला समन्वय समिति सोलुखुम्बुका संयोजक वीरकुमार राईले जानकारी दिए ।
अहिले रहेका क्वारेन्टाइन र आइसोलेसन अपुग हुने भएकाले थप गर्ने निर्णय गरिएको राईको भनाइ छ । सोलुखुम्बु जिल्लामा अहिले दुई सय ५६ बेडको क्वारेन्टाइन र २९ बेडको आइसोलेसन वार्ड रहेको छ । संक्रमितको संख्या बढेमा यो अपुग हुन्छ । विदेशमा रहेका तर नेपाल फर्कन चाहने नेपालीहरूलाई नेपाल फर्काउन तीव्र दबाब परेपछि पछिल्लो समय सरकारले उनीहरूलाई नेपाल फर्काउनका लागि तयारी थालेको छ । जसले गर्दा अहिले भएको भौतिक पूर्वाधारले त्यसलाई थग्न नसक्ने देखिएको छ ।
क्याटेगोरी : समाचार
ताजा अपडेट
- उपहारमा पाएको जग्गामा एमालेले कति कर तिर्नुपर्ने हुन्छ?
- केही स्थानमा हल्कादेखि मध्यम वर्षाको सम्भावना
- सुक्खाबन्दरगाहद्वारा तीन महिनामा १२ अर्ब ७५ करोड राजस्व सङ्कलन
- यस्तो छ आजका लागि विदेशी मुद्राको विनिमय दर
- लामिछानेलाई पोखरा ल्याइयो
- सभापति लामिछानेविरुद्ध पक्राउ पुर्जी लिएर रास्वापा पार्टी कार्यालय पुग्यो प्रहरी
- प्रादेशिक अस्पताल जलेश्वरका चिकित्सकद्वारा हडताल
- आजदेखि मनकामना केबलकार नियमित सञ्चालनमा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया