काठमाडौँ, जेठ २६
आइतबार एकै दिन दुई सय १३ जना कारोना भाइरस (कोभिड–१९) संक्रमित फेला परेका छन् भने एक सय दुई जना कोरोना जितेर घर फर्किएका छन् । एकै दिन एक सय दुई जना कोभिड–१९ का सङ्क्रमित उपचारपछि डिस्चार्ज भएको यो पहिलो घटना हो । योसँगै अहिलेसम्म चार सय ६७ जनाले कोभिड–१९ लाई जितेका छन् । कोभिड–१९ का सङ्क्रमित दिनहुँ बढिरहे पनि निको भएर घर फर्किनेका सङ्ख्या पनि क्रमिक रूपमा बढ्दै गएको छ । शनिबार ३२ जनाको कोभिड–१९ जितेर घर फर्केका थिए भने त्यसअघि शुक्रबार एकै दिन ४३ जनाले सङ्क्रमण जितेका थिए ।
स्वास्थ्य तथा जनसङ्ख्या मन्त्रालयका प्रवक्ता डा. देवकोटाले विभिन्न अस्पतालबाट एक सय दुई जना डिस्चार्ज भएको जानकारी दिएका हुन् । मन्त्रालयको नियमित पत्रकार सम्मेलनमा प्रवक्ता डा. देवकोटाले डिस्चार्जमध्ये दुई महिला र एक सय जना पुरुष रहेको बताए । अहिलेसम्म डिस्चार्ज हुनेको सङ्ख्या चार सय ६७ पुगेको छ । तीमध्ये पुरुष तीन सय ९९ र महिला ६८ जना रहेका छन् । उनीहरूमध्ये धरानस्थित बिपी कोइराला स्वास्थ्य विज्ञान प्रतिष्ठानबाट १२ जना छन् । ती सबै झापाका हुन् । त्यस्तै बाराका ३४ र महोत्तरीका एकजना छन् । बुटवल कोरोना अस्पतालबाट २७ जना डिस्चार्ज भएका छन् । उनीहरू रुपन्देही र कपिलवस्तुका हुन् । कोरोना विशेष अस्पताल दाङबाट बाँके बर्दिया र कपिलवस्तु र दाङका १० जना डिस्चार्ज भएका छन् । रौतहट गौरबाट सबै रौतहटका १८ जनाले कोभिड जितेर घर फर्किएका छन् ।
मन्त्रालयको पछिल्लो अपडेटअनुसार देशका विभिन्न प्रयोगशालामा गरिएका परीक्षणबाट नयाँ सङ्क्रमितको सङ्ख्या दुई सय १३ रहेको छ । तीमध्ये दुई सय नौ पुरुष र चार महिला छन् । योसँगै देशभरको हालसम्म कुल सङ्क्रमित सङ्ख्या तीन हजार चार सय ४८ पुगेको छ । यीमध्ये पुरुष तीन हजार दुई सय १२ र महिला दुई सय ३६ रहेका छन् । हालसम्म देशका ७१ जिल्लामा कोभिड–१९ को सङ्क्रमण फैलिएको मन्त्रालयले जनाएको छ । प्रवक्ता डा. देवकोटाका अनुसार हालसम्म पीसीआर विधिबाट कुल ९६ हजार २ सय ५ व्यक्तिको परीक्षण गरिएको छ ।
त्यसैगरी आरडीटीबाट एक लाख ४५ हजार ४९ व्यक्तिको परीक्षण गरिएको छ । गत २४ घण्टामा पीसीआर विधिबाट तीन हजार ७ सय २८ र आरडीटी विधिबाट सात हजार ६ सय १४ वटा परीक्षण सम्पन्न भएको प्रवक्ता डा देवकोटाले बताए । हाल सातै प्रदेशमा गरी एक लाख ७० हजार ७ सय ३२ जना क्वारेन्टिनमा रहेका छन् । त्यस्तै विभिन्न अस्पतालका आइसोलेसनमा कुल दुई हजार ९ सय ६८ सङ्क्रमित व्यक्ति उपचाररत रहेका छन् । क्वारेन्टिन व्यवस्थापन र अस्पतालको आइसोलेसन व्यवस्थापनका लागि मन्त्रालयले विशेष ध्यान दिएको प्रवक्ता डा देवकोटाले बताए ।
क्याटेगोरी : समाचार
ताजा अपडेट
- उपहारमा पाएको जग्गामा एमालेले कति कर तिर्नुपर्ने हुन्छ?
- केही स्थानमा हल्कादेखि मध्यम वर्षाको सम्भावना
- सुक्खाबन्दरगाहद्वारा तीन महिनामा १२ अर्ब ७५ करोड राजस्व सङ्कलन
- यस्तो छ आजका लागि विदेशी मुद्राको विनिमय दर
- लामिछानेलाई पोखरा ल्याइयो
- सभापति लामिछानेविरुद्ध पक्राउ पुर्जी लिएर रास्वापा पार्टी कार्यालय पुग्यो प्रहरी
- प्रादेशिक अस्पताल जलेश्वरका चिकित्सकद्वारा हडताल
- आजदेखि मनकामना केबलकार नियमित सञ्चालनमा
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया