अमेरिकी चुनाव : ट्रम्पविरुद्ध राष्ट्रपतीय निर्वाचनमा प्रतिस्पर्धी जोय बाइडेन
वासिड.टन, जेठ २६
पूर्वअमेरिकी उपराष्ट्रपति जो बाइडेनले अमेरिकी राष्ट्रपति पदको आगामी निर्वाचनमा आफूलाई डेमोक्रेटिक पार्टीबाट औपचारिक मनोनयन हुन आवश्यक प्रतिनिधिसंख्या (डेलिगेट्स) पुगेको घोषणा गरेका छन् । आगामी नोभेम्बरमा हुने राष्ट्रपतिको निर्वाचनमा उनको प्रतिस्पर्धा राष्ट्रपति डोनाल्ड ट्रम्पसँग हुनेछ । ट्विटरबाट आफ्ना मतदाता र समर्थकलाई सम्बोधन गर्दै पूर्वउपराष्ट्रपति बाइडेनले डेमोक्रेटिक पार्टीको मनोनयनका लागि आवश्यक एक हजार ९ सय ९१ जना प्रतिनिधि संख्या आफूलाई प्राप्त हुने सुनिश्चित भएको बताए ।
मंगलबार सम्पन्न डेमोक्रेटिक पार्टीको चुनावमा आफूलाई पार्टीका तर्फबाट मनोनयनमा पर्न आवश्यक संख्या प्राप्त भएको बताउँदै उनले अब मुलुकको सर्वोत्तम हितका लागि राष्ट्रपति पदको औपचारिक चुनावी यात्रामा निस्किने बताए । गत अप्रिलमै राष्ट्रपति पदको दौडमा रहनु भएका अर्का प्रत्यासी भर्मन्टका सिनेटर बर्नी स्यान्डर्सले चुनावी दौड परित्याग गरेका थिए । उनले पनि जो बाइडेनलाई समर्थन गरिसकेका छन् ।
अफ्रिकी अमेरिकी नागरिक जर्ज फ्लोयडको प्रहरी नियन्त्रणमा मृत्यु भएपछि देशव्यापी प्रदर्शन र हिंसाबीच नै डेमोक्रेटिक पार्टीको प्राइमरी चुनाव सम्पन्न भएको थियो । फ्लोयडको निधनप्रति बाइडेनले अहिले अमेरिकी इतिहासमै कठिन मोडमा उभिएको भन्दै राष्ट्रपति डोनाल्ड ट्रम्पको विभाजनकारी, क्रोधी राजनीतिको कुनै जवाफ नभएको प्रतिक्रिया दिएका छन् । उनले भनेका छन्, ‘संयुक्तराज्य अमेरिका अहिले वैकल्पिक नेतृत्व खोजिरहेको छ, त्यस्तो नेतृत्व जसले हामीलाई एकताबद्ध गर्न सकोस् ।’
प्रदर्शनकारीका सम्बन्धमा बाइडेनको प्रतिक्रिया ट्रम्पको भन्दा विल्कुलै भिन्न छ । ट्रम्पले प्रदर्शन नियन्त्रणका लागि अमेरिकी नागरिकविरुद्ध नै सैनिक परिचालन गर्ने धम्की दिएका थिए । कोरोनाभाइरसका कारण मध्य मार्चदेखि आफूखुसी एकान्तवासमा रहेका ७७ वर्षीय बाइडेनले आफू ह्वाइट हाउसमा निर्वाचित भए प्रणालीगत नश्लीयवादमा व्यापक परिवर्तन गर्ने प्रतिबद्धता व्यक्त गरेका छन् ।
उनले भनेका छन्, ‘अहिले हरेक अमेरिकी नागरिक हामीलाई समन्याय चाहिएको छ – र समान अवसर । हामीलाई मद्दत गर्ने राष्ट्रपति अहिलेको चाहना हो ।’ बाइडेनका सामुन्ने अहिले उपराष्ट्रपति छान्ने चुनौती छ । उनले यसअघि नै आफूले महिलालाई उपराष्ट्रपति पदमा मनोनयन गर्ने बताइसकेका छन् । क्यालिफोर्नियाकी महान्यायाधिवक्ता ५५ वर्षीया सिनेटर कमला ह्यारिसलाई बाइडेनले उपराष्ट्रपतिमा छनौट गर्ने सम्भावना रहेको छ ।
जमैकाली–भारतीय मूलकी सिनेटर ह्यारी डेमोक्र्याटिक पार्टीका तर्फबाट राष्ट्रपतिको सम्भावित उम्मेदवार पनि ठानिएको थियो तर गत डिसेम्बरमा उनले उम्मेदवारी त्यागेका थिए । रियल क्लियर पोलिटिक्सले गरेको मतसर्वेक्षणमा ट्रम्पभन्दा बाइडेन ७.१ विन्दुले अग्रता बनाएको देखिएको छ ।
क्याटेगोरी : विश्व बजार
ताजा अपडेट
- चीन भ्रमणमा ऋणसम्बन्धी सम्झौता नहुने: प्रधानमन्त्री
- टेक्ससको ड्यालसमा एक सय दश जनाद्वारा रक्तदान
- १५ दशमलव ८३ बिन्दुले उक्लियो शेयर बजार
- विमान चालकको समस्या छिट्टै समाधान हुन्छ: वायुसेवा निगम
- ‘स्मार्ट सिटी हुनका लागि हिंसारहित समाज हुनु अनिवार्य छ’
- आज साँझ ५ बजे मन्त्रिपरिषद् बैठक बस्ने
- काठमाडौँमा बुधबारदेखि जनसङ्ख्या र विकाससम्बन्धी छैटौँ अन्तर्राष्ट्रिय सम्मेलन
- छोराद्वारा बुबाको हत्या
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया