महामारीका कारण ५१ प्रतिशत बंगलादेशी घरको कमाइ शून्य
ढाका, जेठ २९
विश्व महामारी कोरोनाभाइरसका कारण ५१ प्रतिशत बंगलादेशी घरको कमाइ शून्यमा झरेको एक अध्ययनले देखाएको छ । द डेलीस्टार अनलाइनका अनुसार ब्राकले गरेको अध्ययनले आयमा असर गर्दा यस्तो तथ्य देखिएको हो । उक्त अध्ययनको प्रतिवेदन मंगलबार सार्वजनिक भएको बताइएको छ । दैनिक आम्दानी गर्नेहरुको भने कमाइ पुनः सुरु हुनथालेको छ । यद्यपि घरपरिवारलाई सहयोगको आवश्यकता रहेको अध्ययनले देखाएको छ । विश्वकै ठूलो गैरसरकारी संस्थाले बंगलादेशमा कोरोनाबारे सचेतनाको अवस्था र आर्थिक प्रभावबारे अध्ययन गरेको थियो ।

अध्ययनमा २ हजार ३ सय १७ जनाले सहभागिता जनाएको बताइएको छ । जसमध्ये ६८ प्रतिशत ग्रामीण क्षेत्रका र ३२ प्रतिशत सहरी क्षेत्रका थिए । ६४ जिल्लामा गरिएको सर्वेक्षण मे ९ देखि १३ सम्म गरिएको थियो । अध्ययनअनुसार न्यून आम्दानदी गर्ने ६२ प्रतिशतले जागिर नै गुमाएको पाइएको छ । अध्ययनले आर्थिक पुनरुत्थानमा सरकारले अर्को योजना तत्कालै तर्जुमा गर्नुपर्ने सुझाव दिएको छ ।

अध्ययनमा सहभागी घरहरुको औसत कमाइ सार्वजनिक विदा घोषणाअघि २४ हजार ५ सय ६५ टाका रहेको बताइएको छ । तर मे महिनामा उक्त कमाइ ७ हजार ९६ टाकामा झरेको पाइएको छ । सहभागीमध्ये ८० प्रतिशत महिला प्रमुख रहेको घर र ७५ प्रतिशत पुरुष प्रमुख रहेको घरको कमाइ घटेको पनि पाइएको छ । महामारीकै कारण महिला हिंसा समेत बंगलादेशमा बढेको पाइएको छ ।

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Oldest

Newest Most Voted

Inline Feedbacks

View all comments