आईपीएल क्रिकेट : चेन्नई र राजस्थान तथा बेंगलुरु र दिल्ली खेल्दै

काठमाडौं । इन्डियन प्रिमियर लिग (आईपीएल) क्रिकेटमा आज दुई खेल हुदै छन् । आज हुने खेलमा चेन्नई सुपर किंग्स र राजस्थान रोयल्स तथा रोयल च्यालेन्जर्स बेंगलुरु (आरसीबी) र दिल्ली क्यापिटल्स भिढ्ने छन् ।

आइतबारको पहिलो खेलमा नेपाली समयअनुसार दिउँसो पौने ४ बजे चेन्नई र राजस्थान खेल्नेछन् । यो खेल चेन्नईमा हुनेछ । चेन्नईलाई प्लेअफमा पुग्न आजको खेल जित्नैपर्ने दबाब छ । उसको १२ खेलमा १२ अङ्क छ । चेन्नई तालिकाको चौथो स्थानमा छ । राजस्थान ११ खेलमा १६ अङ्कका साथ दोस्रो स्थानमा छ ।

आजको दोस्रो खेलमा बेंगलुरु र दिल्ली नेपाली समयअनुसार राति पौने ८ बजे बेंगलुरुमा खेल्नेछन् । यी दुई टोलीलाई प्लेअफमा पुग्न आजको खेल जित्नुपर्ने अवस्था छ । बेंगलुरु १२ खेलमा १० अङ्कका साथ तालिकाको सातौ र दिल्ली समान १२ खेलमा १२ अङ्कका साथ पाँचौ स्थानमा छ ।