जुवातास खेलिरहेको अवस्थामा ८ जना पक्राउ

काठमाडौं । प्रहरीले जुवातास खेलिरहेको अवस्थामा ८ जना पक्राउ गरेको छ । प्रहरीका अनुसार तनहुँको व्यास नगरपालिका वडा नम्बर ३ अनसन चौतारी बस्ने ४५ वर्षीय लक्ष्मण मल्लको घरमा जुवातास खेलिरहेको अवस्थामा मल्ल समेत ८ जनालाई पक्राउ गरेको हो ।

जिल्ला प्रहरी कार्यालय तनहुँबाट खटिएको प्रहरीले उनीहरूलाई ६८ हजार ८ सय १८ रूपैयाँसहित पक्राउ गरेको हो । साथै मल्लको घर तलासी गर्ने क्रममा २२ बोरको हर्नेट राईफल १ थान, म्याग्जिन १ थान र गोली १ राउण्ड फेला पारी प्रहरीले बरामद गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।