काठमाडौं । अमेरिकाको न्युयोर्कमा रहेको पूर्वराष्ट्रपति डोनाल्ड ट्रम्पको लगानीको ट्रम्प टावरमा एक जना नेपाली नेताले फ्ल्याट खरिद गरेका छन् । ५८ तले ट्रम्प टावरमा दुई सय ३२ वटा व्यावसायिक फ्ल्याट छन् । तीमध्ये एक जना नेपाली नेताले फ्ल्याट खरिद गरेका हुन् ।
नेपालमा राजनीतिलाई कमाउने पेसा बनाएका ती नेताले सत्ताको आडमा थुपारेको रकम हुन्डीमार्फत अमेरिका पुर्याएर ट्रम्प टावरमा फ्ल्याट खरिद गरेको उक्त फ्ल्याट खरिदसँग सम्बद्ध स्रोतले जानकारी दिएको छ ।
नेपालमा वित्तीय अनुशासन कमजोर रहेको र सत्ताको आडमा कालोधनको कारोबार हुनेगरेको छ । सम्पत्ति शुद्धीकरणसम्बन्धी अन्तर्राष्ट्रिय गैरसरकारी संस्था ‘फाइनान्सियल एक्सन टास्क फोर्स (एफएटीएफ)’ले नेपाललाई कानुन बनाएर सम्पत्ति शुद्धीकरण गर्न दबाब दिँदै आएको छ । तर, सरकारले विगत १४ वर्षदेखि विभिन्न बहानाबाजी गरेर अन्तर्राष्ट्रिय समुदायलाई अल्मल्याउँदै आएको छ । पछिल्लो पटक नेपालसँग ४० बुँदे सुधारको स्पष्टीकरण सोधेको छ तर सरकारले अहिले पनि आलटाल गरिरहेको छ । यो आलटाल गर्नुको प्रमुख कारण सत्ताको आडमा निर्बाधरुपमा आर्थिक अपराध गर्दै आउनु पनि हो । त्यही आर्थिक अपराध गरेर थुपारेको कालोधन अमेरिकामा पुर्याएर ट्रम्प टावरमा फ्ल्याट खरिद गरिएको हो ।
यसअघि एक जना बैंकको प्रमुख कार्यकारी अधिकृत (सीईओ)ले स्वीट्जरल्याण्डको एउटा स्वीस बैंकमा यसैगरी हुन्डीमार्फत तीन अर्ब रुपैयाँ जम्मा भएको समाचार सार्वजनिक भएको थियो । उनले पनि यसैगरी यहाँ संकलन गरेको घुस र कमिसनको रकम हुन्डीमार्फत स्वीस बैंकमा पुर्याएर जम्मा गराएका थिए । तर, यसको खोजबिन गर्नुपर्ने सरकारले केही गरेन, उल्टै सत्ताधारीहरूले उसैसँग सहकार्य गरेर रकम झार्ने काम गरेका थिए । अहिले पनि लगभग उस्तै अवस्था रहेको छ । एउटा राजनीतिक दलको नेताले नै त्यसरी भ्रष्टाचारको रकम अवैधरुपमा अमेरिका पुर्याएर ट्रम्प टावरमा फ्ल्याट किनेकाले खोजबिन र कारबाही गर्ने दायित्व सरकारसँग रहन्छ नै तर त्यो कारबाही गर्ने इच्छाशक्तिमा भर पर्छ ।
क्याटेगोरी : समाचार
ट्याग : #Page 1
ताजा अपडेट
- सामाजिक सुरक्षा कोषमा ६८ अर्ब सङ्कलन
- देशभरको मौसम सफा रहने पूर्वानुमान
- ‘एनपिएल’को उत्साहपूर्वक प्रतीक्षा, विश्वका खेलाडी नेपालमा
- यस्तो आजका लागि विदेशी मुद्राको विनिमय दर
- नेपाल प्रहरीका स्वास्थ्य समूहका चार एसपी एसएसपीमा बढुवा
- मौन अवधि सुरु, के गर्न पाइँदैन ?
- लगानी बोर्ड बैठकः बूढीगण्डकीलगायत विभिन्न जलविद्युत् परियोजनाको लगानी स्वीकृत
- एमाले सांसद लीलाबल्लभ राखेकै कोठामा रास्वपा सभापती रविलाई राखियो
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया