काठमाडौं । आन्तरिक रोजगारीलाई प्रवर्द्धन तथा वैदिशिक रोजगारीलाई व्यवस्थित गर्ने उद्देश्यले विराटनगरमा ‘श्रमाधान रोजगार मेला’ आयोजना गरिने भएको छ । नेपाल उद्योग वाणिज्य महासंघ र श्रम, रोजगार तथा सामाजिक सुरक्षा मन्त्रालयले संयुक्तरुपमा आयोजना गर्न लागिएको उक्त मेलाको उद्घाटन प्रधानमन्त्री पुुष्पकमल दाहालले गर्ने कार्यक्रम छ ।
उद्योग वाणिज्य महासंघ कोशी प्रदेशले मंगलबार पत्रकार सम्मेलन गरी सो मेला जेठ १७ र १८ गते कोशी प्रदेशको राजधानी विराटनगरदेखि सुरु गरिने जानकारी दिएको हो । मेलामा श्रम मन्त्रालय र मातहतका सबै निकाय, विभिन्न तालिमप्रदाय संस्थाहरु, सामी परियोजना, रेमी योजना, नेपाल उद्योग वाणिज्य महासंघ, नेपाल उद्योग परिसंघ, नेपाल चेम्बर अफ कमर्स, नेपाल तालिम तथा रोजगारी व्यवसायी महासंघ, होटल संघ नेपालले सहभागिता जनाउने जनाइएको छ । विराटनगरको बिग होटलमा आयोजना गरिने सो मेलामा ५० वटा स्टल राखिने उद्योग वाणिज्य महासंघ कोशी प्रदेशका अध्यक्ष राजेन्द्र राउतले जानकारी दिए ।
मेलामा अदक्ष, दक्ष युवाहरुलाई स्थानीय उद्योग, व्यावसायिक प्रतिष्ठानले आवश्यकताअनुसार रोजगारीको अवसर प्रदान गर्नुका साथै सरकारले तोकेअनुसारको पारिश्रमिक उपलब्ध गराउने राउतको भनाइ छ । मेलामा रोजगारीको खोजीमा रहेका व्यक्तिले रोजगारदातासम्म कसरी पुग्ने र अवसरको पहिचान गर्ने जानकारी पाउनुका साथै रोजगारीका लागि आवश्यक सीपका बारेमा जानकारी समेत गराउनेसम्मको व्यवस्था रहेको अध्यक्ष राउतले बताए ।
महासंघका अनुसार सो मेला मधेश प्रदेशको जनकपुरमा जेठ १९ र २० गते, गण्डकी प्रदेशको पोखरामा जेठ २१ र २२ गते र लुम्विनी प्रदेशको बुटवलमा जेठ २३ र २४ गते हुनेछ । यसैगरी कर्णाली प्रदेशको सुर्खेतमा जेठ २५ र २६ गते, सुदूरपश्चिम प्रदेशको धनगढीमा जेठ २७ र २८ गते र बागमती प्रदेशको ललितपुरमा जेठ २९ र ३० गते आयोजना गरिने महासंघले जनाएको छ ।
क्याटेगोरी : कर्पोरेट-वाणिज्य-उद्योग
ट्याग : #page 3
ताजा अपडेट
- चीन भ्रमणमा ऋणसम्बन्धी सम्झौता नहुने: प्रधानमन्त्री
- टेक्ससको ड्यालसमा एक सय दश जनाद्वारा रक्तदान
- १५ दशमलव ८३ बिन्दुले उक्लियो शेयर बजार
- विमान चालकको समस्या छिट्टै समाधान हुन्छ: वायुसेवा निगम
- ‘स्मार्ट सिटी हुनका लागि हिंसारहित समाज हुनु अनिवार्य छ’
- आज साँझ ५ बजे मन्त्रिपरिषद् बैठक बस्ने
- काठमाडौँमा बुधबारदेखि जनसङ्ख्या र विकाससम्बन्धी छैटौँ अन्तर्राष्ट्रिय सम्मेलन
- छोराद्वारा बुबाको हत्या
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया