काठमाडौं । स्मार्टफोन ब्राण्ड रियलमीले नेपालमा रियलमी १२ प्रो प्लस ल्याएको छ । सेग्मेन्ट फस्ट पेरिस्कोप लेन्स, आकर्षक डिजाईन तथा आकर्षक मूल्यको साथ ग्राहकहरूको मन जित्दै यो फोनले बजारमा नयाँ तरङ्ग ल्याउने कम्पनीले अपेक्षा राखेको छ ।
कम्पनीका अनुसार यो फोनमा छ दशमलव सात इन्चको सुपर एमोलेड डिस्प्ले तथा फुल एचडी रिजोलुसन रहेको छ । साथै, फोनसँगको हरेक अन्तरक्रियालाई रमाइलो बनाउनको लागि यसमा एक सय २० हर्टजको रिफ्रेस रेट राखिएको छ । क्वाल्कम स्न्याप ड्रयागन ७ एस जेन २ प्रोसेसर तथा ४ एनएम अक्टा सीपीयूमा चल्ने यो फोनमा धेरै एपहरू चलाउँदा पनि एकदमै छिटो काम गर्छ । यो फोनमा १२ जीबीको र्यामसँग ५१२ जीबीको आन्तरिक स्टोरेज दिइएको छ, जुन आवश्यकताअनुसार २४ जीबीसम्म बढाउन पनि सकिन्छ ।
फोटोग्राफी तथा भिडियो निर्माणमा चाख राख्नेहरूको लागि रियलमी १२ प्रो प्लसको क्यामरा अति उपयोगी रहने कम्पनीको दाबी छ । ६४ मेगापिक्सेलको पेरिस्कोप क्यामेरा, ओम्नी भिजन ओभि६४बी सेन्सर र ओआईएस, अत्यधिक सफा फोटोका लागि ५० मेगापिक्सेलका सोनि आईएमएक्स आठ सय ९० ओआईएस क्यामरा, आठ मेगा पिक्सेलको एक सय १२ डिग्रीको वाइड एङ्गल क्यामरा र ३२ मेगा पिक्सेलको सोनी आईएमएक्स ६१५ सेल्फी क्यामराजस्ता अत्याधुनिक सुविधाहरू यो फोनमा रहेको छ । साथै, यसमा ६७ वाटको सुपरभोक सुपरफास्ट चार्जिङ युक्त पाँच हजार एमएएचको ब्याट्री रहेको छ । यो फोनको खरिदमा ६७ वाटको सुपरभोक चार्जिङ एडप्टर तथा युएसबी टाइप–सी केबल निःशुल्क पाइन्छ ।
रियलमी १२ प्रो प्लस १२ जीबी र्याम र २५६ जीबीको स्टोरेज भेरियन्टमा उपलब्ध रहेको कम्पनीले जनाएको छ । सबमरिन ब्लु, एक्सप्लोरर रेड र न्याभिगेटर बिज रङ्गमा उपलब्ध यो फोनको मुल्य ५० हजार ९९९ रुपैयाँ रहेको छ ।
क्याटेगोरी : कर्पोरेट-वाणिज्य-उद्योग
ट्याग : #page 3
ताजा अपडेट
- टेक्ससको ड्यालसमा एक सय दश जनाद्वारा रक्तदान
- १५ दशमलव ८३ बिन्दुले उक्लियो शेयर बजार
- विमान चालकको समस्या छिट्टै समाधान हुन्छ: वायुसेवा निगम
- ‘स्मार्ट सिटी हुनका लागि हिंसारहित समाज हुनु अनिवार्य छ’
- आज साँझ ५ बजे मन्त्रिपरिषद् बैठक बस्ने
- काठमाडौँमा बुधबारदेखि जनसङ्ख्या र विकाससम्बन्धी छैटौँ अन्तर्राष्ट्रिय सम्मेलन
- छोराद्वारा बुबाको हत्या
- दाङमा तोरीको उत्पादन बढ्दै
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया