वासिङ्टन डिसी । अमेरिकी राष्ट्रपति जो बाइडेनका छोरा आपराधिक अभियोजनमा दोषी ठहर भएका छन् । अमेरिकी न्यायालयले बाइडेनका छोरा हन्टर बाइडेनलाई दोषी ठहर गरेको हो । अमेरिकी इतिहासमा बहालवाला राष्ट्रपतिको सन्तान आपराधिक अभियोगमा दोषी ठहर भएको पहिलो घटना हो ।
राष्ट्रपति बाइडेनका छोरामाथि लागुऔषधको नशामा सन् २०१८मा हाते बन्दुक खरिद गरेको आरोपसहित तीनवटा अभियोगमा अदालतमा मुद्दा परेको थियो । अदालतले ५४ वर्षीय बाइडेनमाथि तीनवटै मुुद्दामा दोषी ठहर गरेको छ ।
जो बाइडेनले अमेरिकी राष्ट्रपतिको चुनावमा पुनः प्रतिस्पर्धा गर्न खोजिरहेकोे र बन्दुक सिंसाको बारेमा भाषण दिने तयारी भइरहेका बेला आफ्नै छोरा दोषी भएको अदालतको ठहर भएको छ ।
राष्ट्रपति बाइडेनले यस मुद्दाको नतिजा स्वीकार गर्ने बताउँदै हन्टरको अपिलपछि न्यायिक प्रक्रियालाई सम्मान गर्ने बताएका छन् ।
अमेरिकामा बन्दुक किन्ने क्रममा झुटो बयान दिएमा १० वर्षसम्म, लागुऔषध दुव्र्यसनमा परेका व्यक्तिले अवैधरूपमा बन्दुक राखेमा १० वर्षसम्म र बन्दुक खरिद गर्दा संघीय इजाजतपत्र प्राप्त बन्दुक डिलरलाई गलत जानकारी उपलब्ध गराउनेलाई पाँच वर्षसम्म जेल सजाय हुन्छ ।
हन्टर बाइडेनलाई यी तीनवटा आरोपमा अधिकतम सजाय दिइयो भने उनले २५ वर्षसम्मको जेल सजाय भोग्न सक्छन् । तर, २५ वर्षसम्म जेल सजाय भोग्ने सम्भावना भए पनि पहिलो पटकको अपराधीका रूपमा हन्टरलाई जेल सजाय नहुन पनि सक्छ ।
क्याटेगोरी : विश्व बजार
ट्याग : #Page 5
ताजा अपडेट
- एक सय ११ मुलुकसँग व्यापार घाटा
- बैंकहरूको निक्षेप खाता पाँच करोड ६९ लाख
- बैंकिङ प्रणालीमा साढे ६८ करोड निक्षेप राख्दै राष्ट्र बैंक
- केपी र रवि आमने–सामने
- कालीगण्डकी करिडोरले मुक्तिनाथ र लुम्बिनी जोड्दै
- देशका अधिकांश भागमा पश्चिमी वायुको प्रभाव यथावत
- आजको लागि विदेशी मुद्राको विनिमय दर
- अरुण नदीमा पूजा गर्ने क्रममा एक जना बेपत्ता
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया