ट्रस्ट माइक्रो इन्स्योरेन्सको अध्यक्षमा पुनः पोखरेल, आगामी आवमा आईपीओ निकाल्ने
बुटवल । ट्रस्ट माइक्रो इन्स्योरेन्स कम्पनी लिमिटेडको नयाँ सञ्चालक समितिमा पुनः जगत पोखरेलकै नेतृत्वमा पुरानै सञ्चालक निर्वाचित भएका छन् ।
बुटवलमा सम्पन्न कम्पनीको प्रथम साधारणसभाले संस्थापक अध्यक्ष पोखरेल नेतृत्वको सञ्चालक समितिमा संस्थापक सदस्यहरू दिपक बोहरा, रचितकुमार अग्रवाल, पूजा सिंगल र नमराज न्यौपानेलाई चार वर्षका लागि निर्वाचित गरेको हो ।
अध्यक्षमा निर्वाचित पोखरेल लघुवित्त महासंघ नेपाल, भिजन लुम्बिनी कम्पनी लिमिटेड, भिजन लुम्बिनी ऊर्जा कम्पनीलगायतको पनि संस्थापक तथा बहालवाला अध्यक्ष हुनुहुन्छ भने आरम्भ चौतारी माईक्रो फाइनान्सको संस्थापक अध्यक्ष र लुम्बिनी मेडिकल कलेजको संस्थापक छन् ।
माइक्रो इस्स्योरेन्सको साधारणसभाले आगामी आर्थिक वर्षमा सर्वसाधारणका लागि आईपीओ जारी गर्ने प्रस्ताव समेत पारित गरेको कम्पनीका उप कार्यकारी प्रमुख विश्वजन थापा श्रेष्ठले जानकारी दिए ।
बुटवलमा प्रधान कार्यालय र काठमाडौंमा कर्पोरेट कार्यालय रहेको कम्पनीले लुम्बिनी प्रदेशका ग्रामीण भेगका सर्वसाधारणलाई बीमाको पँहुचमा ल्याउने उद्देश्यले घुम्ती बीमा सेवा सुरु गर्ने निर्णय पनि गरेको छ ।
घुम्ती बीमा सेवाका लागि नेपाल बीमा प्राधिकरणका लुम्बिनी प्रदेश प्रमुख पूर्णबहादुर थापा, कम्पनीका अध्यक्ष पोखरेल र प्रमुख कार्यकारी अधिकृत उज्जवल ढुङ्गानाले संयुक्तरूपमा मोबाइल भ्यानको समेत उद्घाटन गरेका थिए ।
मोबाइल भ्यानमार्फत सर्वसाधारणलाई उनीहरूकै टोल छिमेकमा पुगेर तत्कालै बीमालेख उपलब्ध गराउने तथा बीमा दाबी प्रक्रियाको बारेमा सचेतनासहितको सेवा कम्पनीले दिने सीईओ ढुंगानाले बताए ।
गत चैत्र ९ गतेदेखि औपचारिकरूपमा बुटवलबाट सेवा सुरु गरेको ट्रस्ट माइक्रो इन्स्योरेन्सले देशभरका झण्डै एक दर्जन शाखा तथा उपशाखामार्फत सेवा प्रदान गर्दै आएको छ ।
सेवा शुभारम्भ गरेको छोटो समयमै राम्रो कारोाबार गर्न सफल यस माइक्रो इन्स्योरेन्सले सात लाखसम्मको सामूहिक तथा व्यक्तिगत दुर्घटना बीमा, ५० लाख रुपैयाँसम्मको घर, सम्पत्ति र सवारी साधन बीमा सेवा दिने गरेको छ ।
क्याटेगोरी : बैंक बित्त बजार
ट्याग : #Page 7
ताजा अपडेट
- अपराध र ठगी गर्नेलाई सरकारले छाड्दैन : प्रधानमन्त्री
- सरकारलाई असफल हुने छुट छैन: मन्त्री अधिकारी
- विकास, समृद्धि र सुशासनको सङ्कल्प पूरा गर्ने बाटोमा अघि बढेका छौँ: प्रधानमन्त्री
- कुलमानले गरेको अनियमितता छानवीन गर्न न्यायिक समिति गठन !
- विभाजनको शृङ्खला रोकेर एकताको प्रक्रिया सुरु भएको छ: अध्यक्ष दाहाल
- कर्णाली प्रदेश सरकारले जनताले महसुस हुनेगरी काम गरिरहेको छ: मुख्यमन्त्री कँडेल
- केही व्यक्तिको कमजोरीले गर्दा सिङ्गो सहकारी क्षेत्र बदनाम : मुख्यमन्त्री पाण्डे
- जलेश्वर प्रादेशिक अस्पतालका उपकरण प्रयोगविहीन
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया