सम्बन्ध सुधार्न ईयू र बेलायतबीच वार्ता

ब्रसेल्स । युरोपेली संघ (ईयू) र बेलायतबीच बिग्रिएको सम्बन्ध पुनःस्थापना गर्ने उद्देश्यले सोमबार ब्रसेल्समा पहिलो पटक वार्ता भएको छ । बेलायतमा नयाँ सरकार गठन भएपछि ब्रेजिक्टपछि खस्किएको सम्बन्ध सुधार गर्न दुई पक्षका शीर्ष अधिकारीहरुबीच वार्ता भएको हो ।

बेलायतका नवनिर्वाचित प्रधानमन्त्री केइर स्टारमरले युरोपेली संघसँगको वर्षौँदेखि विवादित रहेको सम्बन्धलाई सुधार्ने बाचा गरेका छन् । यहीबीचमा ईयू सम्बन्धका लागि बेलायतका मन्त्री निक थोमस–साइमन्ड्सले ईयूका मारोस सेफकोभिकसँग वार्ता गरेका हुन् ।

वार्तापछि मन्त्री थोमसले सुरक्षित र अधिक समृद्ध युरोप सिर्जना गर्न सुरक्षा र आर्थिक सहयोगलाई सुदृढ पार्ने बारेमा छलफल भएको सामाजिक सञ्जाल एक्समा उल्लेख गरेका छन् । ईयूका सेफकोभिकले बैठकलाई रचनात्मक भएको र सहकार्यका लागि तत्पर रहेको बताएका छन् ।

बेलायतका नयाँ प्रधानमन्त्रीले युरोपेली संघसँगको व्यापार द्वन्द्व कम गर्ने बाचा गरेका छन् । तर, आफ्नो सरकारले ब्रेक्सिटलाई नउल्टाउने र युरोपेली एकल बजारको हिस्सा नबन्ने कुरामा अडिग रहेको जानकारी दिएका छन् ।

युरोपियन संघले सम्बन्ध सुधारको उद्देश्यले लन्डनबाट आएको प्रस्तावमा विचार गर्न इच्छुक रहेको बताएको छ । साथै बेलायतलाई संघबाट बाहिर निस्कन कठिन ढंगले भएको वार्ताका सम्झौताहरू पुनः खोल्न इच्छुक नरहेको जनाएको छ ।

प्रधानमन्त्री स्टारमरले बिहीबार बेलायतको ब्लेनहेम प्यालेसमा हुने बैठकमा युरोपभरका नेताहरूलाई आमन्त्रित गरेका छन् । उक्त सम्मेलनले नयाँ प्रधानमन्त्रीलाई युरोपेली संघका समकक्षीहरूसँग आफ्ना विचारहरू प्रस्तुत गर्ने प्रमुख मञ्च प्रदान गर्नेछ ।

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Oldest

Newest Most Voted

Inline Feedbacks

View all comments