विपन्न वर्गमा तीन खर्ब नौ अर्ब ऋण लगानी
सुरेश राउत २०८१, साउन ५ ०८:४२ 
बैंक तथा वित्तीय संस्थाहरूले विपन्न वर्गमा राष्ट्र बैंकले तोकिदिएको न्यूनतम सीमाभन्दा पनि बढी कर्जा प्रवाह गरेका छन् । बैंक तथ वित्तीय संस्थाहरूले आफ्नो कुल कर्जाको न्यूनतम पाँच प्रतिशत विपन्न वर्गमा प्रवाह गर्नुपर्ने व्यवस्था छ । विपन्न वर्गमा जाने कर्जामध्ये २५ प्रतिशत बैंक तथा वित्तीय संस्था सिधै र ७५ प्रतिशत लघुवित्त वित्तीय संस्थामार्फत प्रवाह गर्नुपर्छ ।
आर्थिक वर्ष २०८०÷८१ को ११ महिनामा विपन्न वर्गमा कुल तीन खर्ब नौ अर्ब ९५ करोड ५० लाख रूपैयाँ कर्जा प्रवाह भएको छ । जुन कुल कर्जाकोे छ दशमलव ३८ प्र्रतिशत हुन्छ । यस अवधिमा बैंकिङ क्षेत्रको कुल कर्जा रकम ५१ खर्ब २८ अर्ब ६२ करोड ४० लाख रूपैयाँ छ । विपन्न वर्गमा प्रवाह भएको यो कर्जा गत आर्थिक वर्षको सोही अवधिको तुलनामा एक अर्ब १५ करोड १० लाख रूपैयाँले बढी हो । एक वर्षअघि बैंक तथा वित्तीय संस्थाले कुल ४८ खर्ब ६६ अर्ब ४२ करोड १० लाख रूपैयाँ कर्जा प्रवाह गर्दा विपन्न वर्गमा तीन खर्ब आठ अर्ब ८० करोड ४० लाख रूपैयाँ कर्जा प्रवाह गरेका थिए । प्रतिशतका आधारमा एक वर्षअघिको तुलनामा यस पटक विपन्न वर्गमा कम कर्जा प्रवाह भएको छ । अघिल्लो आर्थिक वर्षको ११ महिनामा कुल कर्जाको छ दशमलव ८८ प्रतिशत विपन्न वर्गमा प्रवाह भएको छ । गत आर्थिक वर्षमा यस्तो दर छ दशमलव ३८ प्रतिशत छ । राष्ट्र बैंकका अनुसार कर्जाको भोलुम बढे पनि कुल कर्जा बढेका कारण प्रतिशतमा कम देखिएकोे हो ।
आर्थिक वर्ष २०८०÷८१ को जेठ मसान्तसम्ममा ४५ खर्ब ३२ अर्ब १८ करोड ४० लाख रूपैयाँ कर्जा प्रवाह गरेका वाणिज्य बैंकहरूले विपन्न वर्गमा कुल छ दशमलव १२ प्रतिशत अर्थात् दुई खर्ब ६३ अर्ब छ करोड ८० लाख रूपैयाँ प्रवाह गरेका छन् । जुन एक वर्षअघिको तुलनामा दुई अर्ब २३ करोड २० लाख रूपैयाँले बढी हो । अघिल्लो आर्थिक वर्ष २०७९÷८० को सोही अवधिमा वाणिज्य बैंकहरूले ४२ खर्ब ९७ अर्ब ८३ करोड २० लाख रूपैयाँ कर्जा प्रवाह गर्दा विपन्न वर्गमा छ दशमलव ४३ प्रतिशत अर्थात् दुई खर्ब ६० अर्ब ८३ करोड ६० लाख रूपैयाँ प्रवाह गरेका थिए ।
विकास बैंकहरूले भने पछिल्लो अवधिमा कुल चार खर्ब ९७ अर्ब ७४ करोड ३० लाख रूपैयाँ कर्जा प्रवाह गरेको मध्ये विपन्न वर्गमा मात्र आठ दशमलव ६३ प्रतिशत अर्थात् ४० अर्ब ३१ करोड २० लाख रूपैयाँ कर्जा प्रवाह गरेका छन् । यो कर्जा अघिल्लो आर्थिक वर्षको सोही अवधिको तुलनामा दुई अर्ब ४० लाख रूपैयाँले कम हो । गत आर्थिक वर्षको सोही अवधिमा विकास बैंकहरूले कुल चार खर्ब ६५ अर्ब २५ करोड ८० लाख रूपैयाँ कर्जा प्रवाह गर्दा विपन्न वर्गमा १२ दशमलव ११ प्रतिशतका दरले ४२ अर्ब ३१ करोड ६० लाख रूपैयाँ कर्जा प्रवाह गरेका थिए ।
फाइनान्स कम्पनीहरूले भने विपन्न वर्गमा कुल छ अर्ब ५७ करोड ५० लाख रूपैयाँ कर्जा प्रवाह गरेका छन् । गत आर्थिक वर्षको ११ महिनामा ९८ अर्ब ६९ करोड ८० लाख रूपैयाँ कर्जा भएको मध्ये सात दशमलव ११ प्रतिशत विपन्न वर्गमा प्रवाह भएको देखिन्छ । आर्थिक वर्ष २०७९÷८०को सोही अवधिमा फाइनान्स कम्पनीहरूले ९२ अर्ब ३३ करोड १० लाख रूपैयाँ कर्जा प्रवाह गरेको मध्ये सात दशमलव ५२ प्रतिशत अर्थात् पाँच अर्ब ६५ करोड २० लाख रूपैयाँ हो । राष्ट्र बैंकका अनुसार यो कर्जा आर्थिक वर्ष २०८०÷८१ को पछिल्लो ११ महिनाको तुलनामा ९२ करोड ३० लाख रूपैयाँले बढी हो ।
क्याटेगोरी : बैंक बित्त बजार, समाचार
ट्याग : #Page 1
ताजा अपडेट
- हनी ट्रयापमा संलग्न रहेको अभियोगमा तीन जना पक्राउ
- नाष्टको ४८औँ प्राज्ञसभा: १२ विधामा पुरस्कृत गरिने
- २७ सय ४८ बिन्दुमा खुम्चियो शेयर बजार
- नेपालमा विज्ञान, इन्जिनियरिङ क्षेत्रमा चुनौती: उपप्रधानमन्त्री सिंह
- ‘परियोजनाको लाभ लक्षित वर्गमा सुनिश्चित हुनुपर्ने’
- पाल्पामा धान उत्पादन बढेपछि किसान उत्साहित
- सरकारले निजी क्षेत्रसँग सहकार्य गर्न खोजेको छ: मन्त्री भण्डारी
- बाढीले पुल बगाएपछि फोक्सिङटारमा अस्थायी ‘बेलिब्रिज’ जडान गरिने
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया