पोखरा । पोखरालाई चौबीसै घण्टा खुला गर्ने घोषणा गरिए पनि कार्यान्वयनमा आउन सकेको छैन । पोखरालाई चौबीसै घण्टा खुला गर्ने नीति कार्यान्वयन नभएकोमा व्यवसायी र स्थानीय प्रशासन एक अर्कालाई दोषारोपण गरेर बसेका छन् ।
व्यवसायीहरूले स्थानीय प्रशासन र प्रशासनले व्यवसायीहरू तयार नहुँदा पोखरालाई चौबीसै घण्टा खुला गर्ने विषय अलपत्र परेको दाबी गर्ने गरेका छन् । कास्कीका सहायक प्रमुख जिल्ला अधिकारी गंगाबहादुर क्षत्रीले पोखरा चौबीसै घण्टा खुलाउन व्यवसायी नै तयार नभएको बताए । उनले भने, ‘पर्यटनको राजधानी घोषणा गर्दै गर्दा पोखराका केही स्थान चौबीसै घण्टा खुला गर्ने भन्ने पनि घोषणा थियो । यसका पनि केही कार्यविधि र मापदण्ड हुन्छन् । कार्यविधि र मापदण्ड मान्न व्यवसायी नै तयार छैनन् ।’ चौबीसै घण्टा व्यवसाय सञ्चालन गर्न एउटा मापदण्ड फाराम भर्नुपर्नेमा सो फाराम भर्न व्यवसायीले नै आनाकानी गरिरहेको सहायक प्रजिअ क्षत्रीले बताए ।
नेपाल पर्यटन बोर्ड गण्डकी प्रदेशका निमित्त कार्यालय प्रमुख नवीन पोख्रेलले पोखरालाई चौबीसै घण्टा खुला गर्न कुनै समस्या नभएको जिकिर गरे । पर्यटकको यथार्थ तथ्याङ्क राख्न व्यवसायी तयार भए पोखरा तत्कालै चौबीसै घण्टा खुला हुने उनले स्पष्ट पारे । राज्यको नीतिनियम पूर्ण पालना गरेर व्यवसाय सञ्चालन गर्न व्यवसायी तयार भए कुनै समस्या नहुने भन्दै उनले होटलको ग्रेडिङअनुसार एकरूपता हुनुपर्नेमा जोड दिए । पर्यटन व्यवसायीहले पनि पोखरा चौबीसै घण्टा खुला गर्नुपर्नेमा जोड दिएका छन् । होटल प्रतिनिधि समाजको २५औँ साधारणसभामा व्यवसायीले पर्यटनको राजधानी घोषणा गर्दै गर्दा पोखरालाई चौबीसै घण्टा खुला गर्ने घोषणा गरिएको भए पनि स्थानीय प्रशासनको असहयोगले त्यो कार्यान्वयनमा आउन नसकेको गुनासो गरे ।
पोखरा पर्यटन परिषद् अध्यक्ष पोमनारायण श्रेष्ठले सबैले सहयोग गर्ने हो भने पोखरामा २० लाख पर्यटक भित्र्याउन कुनै कठिनाइ नहुने स्पष्ट पारे । पर्यटनमार्फत नै पर्यटकीय राजधानी पोखरा समृद्ध बन्ने भन्दै उनले पोखरा चौबीसै घण्टा खुला गर्नुपर्नेमा जोड दिए । विशेषगरी पोखरा आउने राजमार्गका कारण पर्यटक अन्यत्रै जाने गरेको उल्लेख गर्दै उनले राजमार्गहरू छिटोभन्दा छिटो निर्माण सम्पन्न गर्न दबाब दिइरहेको बताए । यस्तै, उनले सबैभन्दा पहिला पोखरा–दिल्ली उडान सुचारु गर्नुपर्ने खाँचो औँल्याए । अरू केही नसकिए पनि नेपाल वायु सेवा निगमको जहाजले यसको थालनी गर्नुपर्नेमा उनले जोड दिए ।
होटल संघ पोखराका अध्यक्ष लक्ष्मण सुवेदीले पोखरालाई चौबीसै घण्टा खुला गरेर राति १ बजे हवाईमार्ग हुँदै पोखरा भित्रिने पर्यटकले सुरक्षित महसुससहित खान र बस्न पाउनुपर्नेमा जोड दिए । उनले पर्यटकको जिउधनको सुरक्षाका लागि समाजसँग होटल संघले सहकार्य गर्ने प्रतिबद्धता जनाए । नाटा गण्डकी प्रदेशका अध्यक्ष हरिराम अधिकारीले पोखरा आउने पर्यटकको सेवा र सुविधामा ध्यान दिन सकिए मात्रै पोखरा पर्यटनको राजधानी भएको सिद्ध हुने बताए । उनले पर्यटनको राजधानी पोखरालाई परिस्कृत सहरको रूपमा विकास गर्नुपर्ने र यसमा सबै गम्भीर बन्नुपर्नेमा जोड दिए ।
रेवान पोखराका अध्यक्ष नरेश भट्टराईले पोखरालाई पर्यटनको राजधानी घोषणा गरिरहँदा लेकसाइडलाई चौबीसै घण्टा खुला गर्ने घोषणा गरिएको भए पनि कार्यान्वयनमा आउन नसकेको बताए । उनले तुरुन्त कार्यविधि बनाएर लेकसाइलाई चौबीसै घण्टा खुला गर्ने वातावरण मिलाउन आग्रह गरे । साथै, पोखरा–भारत सिधा हवाई उडान सुचारू गर्नुपर्नेमा उनले जोड दिए । होटल प्रतिनिधि समाजका अध्यक्ष माधव लम्सालले पोखरामा पर्यटकलाई आकर्षित गर्न ‘घुमौँ पोखरा’ अभियान सञ्चालन गर्ने बताए ।
क्याटेगोरी : गण्डकी प्रदेश
ट्याग : #Page 8
ताजा अपडेट
- अरुण नदीमा पूजा गर्ने क्रममा एक जना बेपत्ता
- चार महिनामा साढे चार खर्ब व्यापार घाटा
- ‘क्रेडिट रेटिङ’ पछि नेपालले लिनुपर्ने लाभ के हो ?
- समाजवाद स्थापना नभएसम्म क्रान्तिबाट विश्राम लिइन्न : महासचिव चन्द
- कञ्चनपुरको कलुवापुरमा बस दुर्घटना हुँदा ३१ जना घाइते
- इन्भेष्टमेन्ट कम्पनीको शेयर कारोबारसम्बन्धी नयाँ प्राबधान
- काठमाडौँमा शनिबार तीन शव भेटिए
- चिनियाँ दूतावासद्वारा ‘क्षत्रपाटी निःशुल्क चिकित्सालय’ लाई विद्युतीय सवारी हस्तान्तरण
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया