काठमाडौं । अतिदुर्गम क्षेत्रको बाहेक राष्ट्रिय र अन्तर्राष्ट्रिय विमानस्थमा हुने दुर्घटना सामान्यतया अपवाद मानिन्छ । तर हामीकहाँ त्यस्ता दुर्घटना सामान्य भइसकेजस्तो देखिन्छ । त्रिभुवन अन्तर्राष्ट्रिय विमानस्थलमा गएको बुधवार आन्तरिक उडानतर्फ एउटा ठूलो दुर्घटना भयो । होलबडी परीक्षण गर्न भनी यो विमानस्थलबाट उडेको विमान भुइँ छाडेको २० सेकेण्डमै विमानस्थलकै एउटा कुनामा बजारियो । बुधबार भएको सौर्य एयरलाइन्सको विमान दुर्घटनाको सन्दर्भ हो यो । काठमाडौंबाट पोखराका लागि उडेको सौर्य एयरलाइन्सको ९ एन–एएमई विमान जतिछिटो दूर्घटनामा र त्यति नै छिटो उद्दार गरिएको भनिएको अवस्थामा एक जनाबाहेक कसैको उद्धार गर्न सकिएन । विमानमा सवार चालकसहितको १९ मध्ये १८ जनाको मृत्यु भयो । यसकारण पनि यो ठूलो क्षतिवाला दुर्घटना मानिएको हो । देशको एउटै मात्र सबैभन्दा ठूलो अन्तर्राष्ट्रिय विमानस्थलमा त उद्दारको यस्तो अवस्था हुन्छ भने अन्यत्र के होला भन्ने प्रश्न उठ्नु अस्वाभाविक होइन ।
करिब डेढ वर्षअघि मात्र पोखरा क्षेत्रीय अन्तर्राष्ट्रिय विमानस्थलमा भएको दुर्घटनामा त एक जना पनि जीवित रहेनन् । यो विमान पनि काठमाडौंबाट पोखराकै लागि उडानमा थियो । यसको अझ अर्को पक्ष केहो भने यो विमानमा सवार भएकाहरू सबै एक प्रकारले प्राविधिक नै थिए । त्यस्तो विमान मर्मतका लागि भनेर उडान भरेको केही समयमै दुर्घटनामा यसले नेपाली आकाश कति असुरक्षित हुँदै गएको छ भन्ने बुझाउँछ । दुर्घटनाको केही समयमा नै नेपाली सेना, नेपाल प्रहरी, सशस्त्र प्रहरी बल, अग्नि नियन्त्रकलगायत नेपाल नागरिक उड्डयन प्राधिकरणको संयुक्त सहकार्यमा उद्दार कार्य थालियो । तर सवार यात्रु बचाउन सकिएन । एक जना चालक भने उछिट्टएको विमानको अग्रभागसँगै विमानबाट छुटिन गए । त्यो विमानस्थल छेउको एउटा कन्टेनरभित्र पसेको कारण आगलागीबाट जोगियो र एक पाइलट जीवित भेटिए । यो नित्तान्त संयोगको कुरा थियो । यसले हवाई दुर्घटनाको भयावह अवस्थालाई । अन्तर्राट्रिय विमानस्थल उद्दारका लागि सहज हुने उपकरणसहितको हुन्छ । यो ठाउँमा पनि लागेको आगो निभाउन धेरैबेर लागेन । तर दुर्घटनाको केही सेकेण्डमा नै यात्रुहरू जलिसकेका थिए । कतिपय मृत शरीर चिन्ने अवस्थामा पनि थिएनन् । मृत शरीर आफन्तलाई बुझाउन पनि लामै समय लागेको थियो । यसले पनि विमान यात्राको भयावह अवस्थालाई नै बुझाउँछ । यो दुर्घटनाले सबै प्राविधिकहरू सवार रहेको उडानमा त यस प्रकारको असुरक्षा रहन्छ भने सामान्य उडानमा के होला भन्ने प्रश्न आम तहमा नै फैलाएको हुनुपर्छ ।
यो उडान पोखरामा रहेको मर्मतस्थलका लागि रहेको बताइएको छ । प्राविधिक परीक्षण लागि पोखरा जान लागेको भन्ने त प्रष्ट भयो नै । त्यसो हो भने यसमा असम्बन्धित मानिसलाई सवार नगराउनुपर्ने हो । निश्चित घण्टा उडेपछि नियमित तालिकाअनुसार प्राविधिक परीक्षण गर्नुपर्छ नै । त्यसका लागि पोखरा जान लागेको भनिएको छ । तर यो दुर्घटनामा एउटा परिवारका तीन जना परेका छन् । परीक्षणका लागि ह्याङ्गरमा राख्न लगिएको विमानमा चार वर्षका बालक समेत रहेको खुलेको छ । नियमित जहाज परीक्षण गर्न लगिँदा एयरलायन्सका प्राविधिकहरू मात्रै जहाजमा सवार हुनुपर्ने हो तर यो उठानमा त्योभन्दा भिन्न रूप देखियो । उड्डयन नियमलाई पालना गरिएको भए यति ठूलो मानवीय क्षति हुने थिएन कि ? नियमन गर्ने निकायले यस्ता कुराको किन ख्याल गरेनन्जस्ता प्रश्नहरू उठेका छन् । उडानको असुरक्षा कुनै एउटा कारणबाट मात्र हुँदैन । यही उडानमा भएका यस्ता कमजोरीका बारे जिम्मेवार पक्षले जवाफ दिनुपर्छ ।
क्याटेगोरी : सम्पादकीय
ट्याग : #Page 4
ताजा अपडेट
- विकास, समृद्धि र सुशासनको सङ्कल्प पूरा गर्ने बाटोमा अघि बढेका छौँ: प्रधानमन्त्री
- कुलमानले गरेको अनियमितता छानवीन गर्न न्यायिक समिति गठन !
- विभाजनको शृङ्खला रोकेर एकताको प्रक्रिया सुरु भएको छ: अध्यक्ष दाहाल
- कर्णाली प्रदेश सरकारले जनताले महसुस हुनेगरी काम गरिरहेको छ: मुख्यमन्त्री कँडेल
- केही व्यक्तिको कमजोरीले गर्दा सिङ्गो सहकारी क्षेत्र बदनाम : मुख्यमन्त्री पाण्डे
- जलेश्वर प्रादेशिक अस्पतालका उपकरण प्रयोगविहीन
- २ किलो सुन सहित एक युवक पक्राउ
- दुर्गा प्रसाईंका समर्थकद्वारा कोटेश्वरमा प्रदर्शन
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- चिया पसल पनि कम्पनी ?
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया